'मिस विभा २०२४' को ताज प्रेमा लामगाढेलाई

काठमाडौं । उमंग क्रियशनद्वारा आयोजित 'मिस विभा २०२४' को ताज प्रेमा लामगाढेले पहिरेकी छिन् । बुधबार साँझ सम्पन्न फिनेलेबाट अन्तिम पाँच जना प्रतिस्पर्धीलाई पछि पार्दै प्रेमा लामगाढेले ताज पहिरेकी हुन् । 

मिस विभाको इन्टरनेसनल डाइरेक्टर भुमि पाठकले विजेता प्रेमा लामगाढेलाई ताज पहिराउनु भएको थियो । प्रतियोगिताको जजका रूपमा अनु श्रेष्ठ, अमनप्रताप अधिकारी, सरिता श्री ज्ञवाली, करण वैद्य र ईच्छा कार्की रहनुभएको थियो भने कार्यक्रमको निर्देशकका रूपमा प्रशान्त ताम्राकार रहनु भएको थियो । 

प्रतियोगितामा अस्मिता शाह, डा.काजल ठाकुर, आकृति कुँवर, प्रेक्षा जोशी, विना महर्जन, प्रेमा लामगाढे, ज्योति खड्क, रिंसा शाक्य , प्रिया महर्जन, श्रीया मानन्धर, शिशेका सुब्बा, सञ्जु केसी, सुधिरा यादव, जेनिता सेञ्चुरी सहभागी रहेका छन् । विजेताले कम्बोडियामा हुने मिस ग्राण्डको फाइनलमा सहभागी हुन पाउने छ । मिस ग्राण्डको फाइनल अक्टोबर २५ कात्तिक ९ गते कम्बोडियामा  हुनेछ ।