कार्यसम्पादन सम्झौता गर्न प्रधानमन्त्री ओलीले मन्त्रीहरुलाई बोलाए सिंहदरवार

२७ भदौ, काठमाडौं । प्रधानमन्त्री केपी शर्मा ओलीले कार्यसम्पादन सम्झौताका लागि सिंहदरबार बोलाएका छन् । दिउँसो साढे २ बजे मन्त्रीहरूलाई सम्झौताका लागि बोलाइएको प्रधानमन्त्रीको सचिवालयले जनाएको छ । 

आज हुने सम्झौतापछि मन्त्रीहरूको रिपोर्ट कार्ड बनाइने भएको छ । मन्त्रीहरूले सम्झौता अनुसार काम गरेको वा नगरेको आधारमा मासिक/चौमासिक समीक्षा हुनेछ । प्रधानमन्त्री कार्यालयका अनुसार यो १ वर्षे सम्झौतामा मन्त्रीहरुले के–के गर्ने भन्ने उल्लेख छ । सरकारको नीति, नियम, निर्णय र निर्देशनअनुसार काम गर्न मन्त्रीहरूलाई सम्झौताले सहयोग गर्ने बताइएको छ ।