बागलुङ जीप दुर्घटनामा मृत्यु भएका उपाध्यक्षसहित तीनै जनाको सनाखत

२८ भदौ, काठमाडौं । बागलुङमा शुक्रबार बिहान भएको जीप दुर्घटनामा मृत्यु भएका तीनैजनाको सनाखत भएको छ । रुकुमपूर्वको पुथा उत्तरगंगा गाउँपालिका उपाध्यक्ष भुपेन्द्रा बुढा, उपाध्यक्ष भुपेन्द्राकी आमा गोपीमाया बुढा र वडा नम्बर २ का अध्यक्ष जस बहादुर श्रीपालीको मृत्यु भएको हो । 

दु्र्घटनामा घाइते जीप चालक २९ वर्षीय प्रेमबहादुर पुनको धौलागिरी अस्पताल बागलुङमा उपचार भइरहेको छ । तीनैजनाको घटनास्थलमा मृत्यु भएको हो । रुकुमुपूर्वका प्रमुख जिल्ला अधिकारी माधव प्रसाद शर्माका अनुसार तीन जनाकै शव पहिचान भएको हो ।

शुक्रबार बिहान काठमाडौंबाट रुकुमपूर्व जाँदै  गरेको  रुकुमपूर्वको पुथा उत्तरगंगा गाउँपालिकाको रा १ झ २०० नम्बरको जीप बागलुङको गलकोट नगरपालिका–२ नरेठाँटीको भुंखानीमा दुर्घटना भएको थियो ।