भोटेकोशीमा गाडी खस्यो, क्रेनको सहायताले उद्धार गरिँदै

२८ भदौ, काठमाडौं । सिन्धुपाल्चोकस्थित भोटेकोशी नदीमा गाडी खसेको छ । जिल्ला प्रहरी कार्यालय सिन्धुपाल्चोकका एसपी सन्तोष खड्काका अनुसार सिन्धुपाल्चोकको बाह्रबिसे नगरपालिका–६ स्थित भोटेकोशी नदीमा गाडी खसेको हो ।

अहिले नेपाल प्रहरी, नेपाली सेना र सशस्त्र प्रहरीको टोलीले क्रेनको सहायताले गाडी नदीबाट निकाल्ने प्रयास भइरहेको छ । गाडी नदीमै खसेको हुनाले कुन गाडी हो भन्ने यकिन भएको छैन् । स्थानीयहरुसँग समेत सोधपुछ भइरहेको नदीको बहाव पनि ठूलो भएकाले गाडी निकाल्न समस्या भइरहेको  प्रहरीले जनाएको छ ।