सहकारीको रकम अपचलन सम्बन्धी प्रतिवेदन लेखिरहेको समितिले साँझ प्रधानमन्त्रीलाई ब्रिफिङ गर्ने

२९ भदौ, काठमाडौं । सहकारी संस्थाको बचत रकम दुरुपयोग सम्बन्धी संसदीय छानबिन विशेष समितिले सरकारी ठगीका सम्बन्धमा गरेको अनुसन्धान र विभिन्न व्यक्तिसँग लिएको बयानबारे शनिबार साँझ प्रधानमन्त्री केपी शर्मा ओलीलाई ब्रिफिङ गर्ने भएको छ । 

आज साँझ पाँच बजे बालुवाटारमा प्रधानमन्त्री ओलीसँग छलफल गरेर सरकारको राय प्रतिवेदनमा समावेश गर्न लागिएको समिति सभापति सूर्य थापाले जानकारी दिएका छन् । उनले प्रधानमन्त्रीसँग छलफल गरेर प्रतिवेदनलाई अन्तिम रूप दिने बताए । समितिको  कार्यदेश अनुसारको छानबिन र विश्लेषण सकिएको र प्रतिवेदनलाई अन्तिम रूप दिन लागिएको उनको भनाइ छ ।