पूर्व पश्चिम राजमार्ग अन्तर्गत बारामा बस दुर्घटना, एक जनाको मृत्यु, ८ गम्भीर घाइते

३१ भदौ, रौतहट । पूर्व पश्चिम राजमार्ग अन्तर्गत बाराको उनासी पुलमा यात्रुबहाक बस दुर्घटना भएको छ ।विराटनगरबाट दाङ जाँदै गरेको बस बारामा दुर्घटना हुँदा एक जनाको मृत्यु भएको छ भने ८ जना गम्भीर घाइते भएका छन् ।

चालक र सहचालकसहित ४३ सवार ना ८ ख ११६४ नम्बरको बस मध्यरातमा निजगढ नगरपालिका–८ उनासी पुलमा दुर्घटना हुँदा दाङ देउखुरी गटवा गाउँपालिका–५ का ४५ वर्षीय चेतन राय यादवको मृत्यु भएको हो।

दुर्घटनामा गम्भीर घाइते बनेका यादवको ब्योधा अस्पताल विरगंजमा उपचारको क्रममा  मृत्यु भएको इलाका प्रहरी कार्यालय निजगढका प्रहरी निरीक्षक सुमित कुशवाहाले बताए ।

घाइतेमध्ये चालकसहित ६ जनालाई थप उपचारका लागि ब्योधा अस्पताल विरगंज पठाइएको छ भने अन्य छ भने अन्यलाई निजगढस्थित सामुदायिक प्रसुती गृह अस्पताल र सिटी अस्पतालमा  उपचार भइरहेको छ । दुर्घटनामा परि घाइते १५ जनाको अवस्था मध्यम रहेको छ भने २० जनाको अवस्था सामान्य रहेको प्रहरीले जनाएको छ ।  

 उक्त बसको अगाडिको पट्दा भाँचिएर दुर्घटना भएको प्रहरीको प्रारम्भिक अनुमान रहेको छ । थप अनुसन्धान भइरहेको जिल्ला प्रहरी कार्यालय बाराले जनाएको छ ।