अमेरिका भ्रमणका क्रममा मैले देशको शिर ढल्नेगरी कुनै पनि काम गर्ने छैनः प्रधानमन्त्री

३१ भदौं, काठमाडौं । प्रधानमन्त्री केपी शर्मा ओलीले नेपालको शिर ढल्ने गरी र  नेपालको प्रभाव प्रतिष्ठा तलमाथि पर्ने गरी कुनै काम नगर्ने बताएका छन् । अमेरिका भ्रमणका क्रममा नेपालको शिर ढल्ने गरी कुनै पनि काम नगर्ने प्रधानमन्त्री ओलीले बताएका हुन् । 

संयुक्त राष्ट्रसंघको ७९ औं महासभामा आफूले उठाउने एजेन्डा र सहभागी हुने कार्यक्रमहरूबारे संसदलाई जानकारी दिँदै प्रधानमन्त्री ओलीले देशको इज्जत तल पर्ने गरी कुनै काम नगर्ने बताए । उनले भने, ‘नेपालको शीर ढल्ने गरी, नेपालको इज्जत तल पर्ने गरी, नेपालको कुनै प्रभाव, प्रतिष्ठा, हित, सरोकार केही पनि तल पर्ने गरी काम मर्दिन । अमेरिकाबाट फर्किएपछि पनि महासभामा आफूले गरेको काम र बोलेका कुराहरूबारे संसदलाई जानकारी गराउनेछु ।’ 

महासभामा भाग लिन प्रधानमन्त्री ओली आगामी ४ असोजमा अमेरिका जाँदैछन् । उनले संयुक्त राष्ट्रसंघको महासभामा यहाँका आन्तरिक प्रबृत्तिहरूकोबारेमा नभइ समग्र राष्ट्रका कुराहरै पेश गर्ने जानकारी दिए । उनले यसपटक जलवायु परिवर्तनका विषयहरूमा आफ्नो दृष्टिकोण पेश गर्ने उनले जानकारी दिए । 

उनले भने, ‘यहाँका आन्तरिक प्रवृत्तिहरूबारे भाषा शैली र उत्तेजना र व्यवहारहरू लगेर त्यहाँ छरिने छैन । क्याइमेटको विषयमा हाम्रो हिमालको के सम्बन्ध छ ? यो विश्वव्यापी समस्या हो । हामीले ध्यानदिनुपर्ने भनेको पिपुल र प्लानेट हुन् ।’