‘विश्वशान्ति तथा मानवकल्याण नै सबै धर्मको मूल निचोड हो’

१ असोज, जनकपुर । मधेस प्रदेशका मुख्यमन्त्री सतिशकुमार सिंहले विश्वशान्ति तथा मानवकल्याण नै सबै धर्मको मूल निचोड भएको बताएका छन् । मोहम्मद पैगम्बरको जन्म दिवसका अवसरमा आज जनकपुरधाममा मुस्लिम धर्मावलम्बीले आयेजना गरेको कार्यक्रममा उहाँले मोहम्मद पैगम्बरले पनि सोही कुरामा जोड दिएको बताए । मोहम्मद्वारा प्रतिपादित सिद्धान्त अहिले पनि अनुकरणीय रहेको मुख्यमन्त्री सिंहको भनाइ थियो । 

मुख्यमन्त्री सिंहले मुस्लिम समुदायको शिक्षामा सुधार गर्न आफ्ना बालबालिकालाई विद्यालय पठाउनका लागि आग्रह गरे । कार्यक्रममा नेपाल कम्युनिष्ट पार्टी (एमाले) मधेस प्रदेशसभाका उपनेता दीपेन्द्र ठाकुरसहितका वक्ताहरूले मोहम्मद पैगम्बर दिवसको महत्वबारे चर्चा  गरेका थिए ।