भोलि देखि सर्वसाधारणको लागि धरहरा खुल्ला गरिने [ फोटो फिचर ]

२ असोज, काठमाडौं । तत्कालीन प्रधानमन्त्री केपी शर्मा ओलीले २०७८ वैशाख ११ गते उद्घाटन गरेको धरहरा भोलि संविधान दिवसको अवसर पारी सर्वसाधारणको लागि खुल्ला गरिने भएको छ  ।  ६ पटक सम्म  म्याद थप गरिएको धरहरा बिहीबार फेरी उद्घाटन हुन लागेको हो ।

एक दशक सम्म पनि निर्माण सम्पन्न हुन नसकेको धरहरा फेरी पनि हतारमै उद्घाटन हुँदैछ । २०७२ मा भत्किएको धरहराको भग्नावशेष सिसामा राख्ने भनिएको भए पनि अझै पनि धरहराको अवशेष टीनको छाना हालेर राखिएको छ । यो आयोजना  पुनः निर्माण प्राधिकरणको समय सीमा भित्र निर्माण हुन नसकेपछि सहरी विकास मन्त्रालयमातहत सहरी विकास तथा भवन निर्माण विभागबाट आयोजना कार्यान्वयन भइरहेको छ ।  तस्बिरहरु - नेपाल फोटो लाइब्रेरी