सरकारका न्यूनतम साझा कार्यक्रमको प्रतिवेदन प्रधानमन्त्री ओली र सभापति देउवालाई हस्तान्तरण

२ असोज, काठमाडौं । सरकारको न्यूनतम् साझा कार्यक्रमको मस्यौदा तयार गर्न गठित कार्यदलले प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवालाई कार्यक्रमको प्रतिवेदन बुझाएको छ । बुधबार साँझ बालुवाटारमा कार्यदलले उनीहरुलाई सरकारको न्यूनतम् साझा कार्यक्रमको प्रतिवेदन हस्तान्तरण गरेको हो । न्यूनतम् साझा कार्यक्रमको मस्यौदा बनाउने जिम्मा नेपाली कांग्रेसका महामन्त्री गगन थापा र प्रवक्ता डा. प्रकाशशरण महत, त्यस्तै एमाले उपमहासचिवद्वय प्रदीप ज्ञवाली र विष्णु रिमाललाई दिइएको थियो ।