सहकारीको छानबिन प्रतिवेदन कार्यान्वयन गर्न सम्बन्धित मन्त्रालयहरूमा पठाउने मन्त्रिपरिषदको निर्णय

२ असोज, काठमाडौं । सरकारले सहकारीसम्बन्धी संसदीय विशेष छानबिन समितिको प्रतिवेदन अगाडि बढाउने भएको छ । बुधबार बसेको मन्त्रिपरिषद्को बैठकले प्रतिवेदन कार्यान्वयन गर्न विभिन्न मन्त्रालयमा पठाउन निर्णय भएको सरकार प्रवक्ता पृथ्वीसुब्बा गुरुङले जानकारी दिए । मन्त्री गुरुङका अनुसार प्रधानमन्त्री केपी शर्मा ओलीले बैठकमा सम्बन्धित मन्त्रालयमा प्रतिवेदन पठाउने र मन्त्रालयले नै अध्ययनसहित आवश्यक कारबाही गर्ने बताएका थिए ।

उनले सरकारले संसदमा प्रस्तुत भएको सहकारी संस्था बचत रकम दुरुपयोग सम्बन्धी छानबिन प्रतिवेदन, २०८१ लाई कार्यान्वयनका लागि भूमि, व्यवस्था, सहकारी तथा गरिबी निवारण मन्त्रालयमा पठाउने निर्णय गरेको बताए । संसदमा प्रस्तुत भएको सहकारी संस्था बचत रकम दुरुपयोग सम्बन्धी छानबिन प्रतिवेदन, २०८१ सभामुखले कार्यान्वयनको लागि मन्त्रिपरिषदमा पठाएका थिए ।