आजदेखि सुरु गर्यो सहुलियत पसल : चामल र दालमा प्रतिकेजी ५ रुपैयाँ छुट ! [ फोटो फिचर ]

३ असोज, काठमाडौं । चाडपर्व लक्षित सुपथ मूल्य पसलहरू आजदेखि सञ्चालनमा आएको छ। बिहीबार उद्योग वाणिज्य तथा आपूर्तिमन्त्री दामोदर भण्डारीले थापाथली स्थित सुपथ मूल्य पसलको उद्घाटन गरेका हुन्। यस बर्ष खाद्य व्यापार कम्पनीले देशभर ४२ जिल्लाका ६३  वटा बिक्री कक्षबाट खाद्यान्न बिक्री गर्ने छ।

काठमाडौँ उपत्यकामा  ४ वटा बिक्री कक्ष हुने छ। खाद्य व्यवस्था तथा व्यापार कम्पनीले देशभरका सुपथ मूल्यका पसलहरूमा चामल र दालमा प्रति किलोग्राम ५ रुपैयाँ छुटमा उपलब्ध गराइनेछ। आज असोज ३ गतेदेखि सञ्चालनमा आएको सुपथ मूल्य पसल माघ २ गतेसम्म सञ्चालनमा रहने जनाइएको छ। साथै कम्पनीले आज देखि नै  संस्थामा प्लस एफ  फोर्टिफाइड राइसको प्लान्ट पनि उद्घाटन गरिएको छ । तस्बिरहरु : नेपाल फोटो लाइब्रेरी