इतिहासमा कसैले कल्पना नगरेको काम गरिएको छ : प्रधानमन्त्री ओली
इन्द्र रिजाल
बैशाख १८, २०७६ बिहिबार १:४५:०
काठमाडौं । प्रधानमन्त्री केपी शर्मा ओलीले इतिहासमा कसैले कल्पना नगरेको काम अहिलेको सरकारले गरेको दाबी गरेका छन् ।
मजदुर दिवसको अवसरमा संयुक्त ट्रेड युनियन संघले काठमाडौंको भृकुटीमण्डपमा आयोजित कार्यक्रममा प्रधानमन्त्री ओलीले विगतका सरकारले कल्पना नगरेको काम भएको बताए ।
उनले मुलुक नयाँ प्रणालीमा गएकाले केही समस्या भएको बताए । सरकारले राम्रो काम गर्न थालेपछि राजपाले समर्थन फिर्ता लिएको आरोप लगाउदै प्रधानमन्त्री ओलीले समर्थन फिर्ता गर्ने नभई समर्थन गर्न आग्रह गरे ।
प्रधानमन्त्री ओलीले रोजगारदाता र श्रमिकको सहमतिमै ल्याइएको न्यूनतम तलब र सामाजिक सुरक्षालाई व्यवहारमै लागु गराउन सरकार प्रतिबद्ध रहेको पनि बताए । सरकारले रोजगारको ग्यारेन्टी गरेको भन्दै उनले वर्षमा सय दिनको रोजगार ग्यारेन्टी गरेको स्पष्ट पारे ।
प्रधानमन्त्री ओलीले नेपाल औद्योगिक शान्तिको लागि विश्वमै नमुनाको देशको रुपमा अगाडि बढिरहेको दाबी गरे ।त्यस्तै नेकपा अध्यक्ष पुष्प कमल दाहाल प्रचण्डले यसपटक श्रमिकमैत्री बजेट ल्याईने बताए ।
उनले बिगतको कमि र समिक्षा गर्दे सरकारले नीति तथा कार्यक्रम र बजेट ल्याउने पनि स्पष्ट पारे । उनले चूनावका बेला पार्टीले गरेको प्रतिवद्धतापनि सरकारले क्रमश पुरा गर्दे जाने धारणा राखे ।
कार्यक्रममा कांग्रेसका उपसभापति विमेलेन्द्र निधिले विपक्षीलाई देखाएर प्रधानमन्त्रीले बालुवाटार प्रकरणमा आफ्ना मान्छे जोगाउन लागिपरेको आरोप लगाए । निधिले पत्रकारहरूसँग पनि आक्रोश पोखे ।
विशेष गरेर योगदानमा आधारित सामाजिक सुरक्षा कोष कांग्रेस नेतृत्वको सरकारले ल्याएको तर प्रधानमन्त्री केपी ओलीले वर्तमान सरकारले शुरु गरेको भनेर झुठो प्रचार गरेको बताए ।
त्यस्तै राजपा अध्यक्ष मण्डलका सदस्य राजेन्द्र महत्ताले ‘सुखी नेपाली समृद्ध नेपाल’ नारा लगाएर मात्रै देश समृद्ध नहुने बताए । महतोले नेपाली श्रमिकले विदेश बनाइरहँदा देश भने विकास हुन नसकेको धारणा पनि राखे ।
कार्यक्रममा श्रम रोजगार तथा सामाजिक सुरक्षामन्त्री गोकर्ण विष्टले यही एक वर्षमा सरकारले एक लाख पचार हजार रोजगारी सिर्जना गर्ने दाबी गरे । मजदुर नेताहरुले सरकारले तोकेको न्यूनतम् पारिश्रमिक कार्यान्वयन गर्न तत्काल ट्रेड युनियन ऐन परिमार्जन गर्नुपर्नेलगायतका माग गरेका थिए ।
कार्यक्रममा संयुक्त ट्रेड युनियन समन्वय केन्द्रका पूर्वअध्यक्षहरु मुकुन्द न्यौपाने, खिलानाथ दाहाल, विष्णु रिमाल र शालिकग्राम जमरकट्टेललाई सम्मान गरिएको थियो ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपअखिल (क्रान्तिकारी) को २३ औं राष्ट्रिय सम्मेलन असोज १० देखि काठमाडौंमा
असोज ४, २०८१ शुक्रबार
प्रधानमन्त्री ओली आज न्यूयोर्क प्रस्थान गर्दै
असोज ४, २०८१ शुक्रबार
नागरिकको भविष्य सम्झेर स्वास्थ्य सुधार अभियानमा छौं : मन्त्री पौडेल
असोज ३, २०८१ बिहिबार
प्रतिवेदन अनुसार रविलाई कारवाही भए चार वटा मुद्धा चल्ने
नेपालबहस संवाददाता
असोज १, २०८१ मंगलबार
संवैधानिक परिषदमा प्रचण्डको अस्वाभाविक बार्गेनिङ !
नेपालबहस संवाददाता
असोज १, २०८१ मंगलबार
हुम्लामा खाद्यान्नमा सहुलियत, प्रतिकेजी रु पाँच छुट
असोज ४, २०८१ शुक्रबार
अखिल (क्रान्तिकारी) को २३ औं राष्ट्रिय सम्मेलन असोज १० देखि काठमाडौंमा
असोज ४, २०८१ शुक्रबार
संविधान जारी भएपछि प्रदेशमा थुप्रै उपलब्धिहरू भएका छन् : मुख्यमन्त्री लामा
असोज ४, २०८१ शुक्रबार
भन्सालीको नयाँ फिल्म 'लभ एन्ड वार' अक्टोबरमा फ्लोरमा जाने
असोज ४, २०८१ शुक्रबार
बागलुङका स्वास्थ्य संस्थामा डेङ्गी परीक्षण किट अभाव
असोज ४, २०८१ शुक्रबार
मधेस प्रदेशमा कुपोषण समस्या बढ्दै, निःशुल्क उपचार गर्दै प्रदेश सरकार
असोज ४, २०८१ शुक्रबार