स्थगित भयो पत्रकार महासंघको निर्वाचन

४ असोज, काठमाडौं । नेपाल पत्रकार महासंघको निर्वाचन स्थगित भएको छ । केन्द्रीय निर्वाचन समितिले आज सूचना जारी गर्दै अर्को सूचना जारी नभएसम्मका लागि सबै निर्वाचन कार्यक्रम स्थगित भएको जानकारी दिएको छ । 

नेपाल पत्रकार महासंघबाट प्राप्त पत्रअनुसार मनोनयन दर्ता लगायतका कार्यतालिकामा समावेश कार्यक्रम अर्को सूचना जारी नभएसम्मका लागि स्थगित गरिएको केन्द्रीय निर्वाचन समितिले जारी गरेको सूचनामा उल्लेख छ । महासंघको नयाँ नेतृत्व चयनका लागि यही असोज १२ गते मतदान गर्ने कार्यतालिका थियो । त्यसका लागि उम्मेदवारको मनोनयन दर्ता असोज ४ गते (आज) निर्धारण गरिएको थियो ।