भ्रष्टाचार र सरकारी जग्गा अतिक्रमणमा जनता चुप लागेर बस्न नहुने

काठमाडौं । देश विखन्डनलगायतका आफ्ना सम्पूर्ण पुराना माग त्यागी खुला राजनीतिमा आएका सीके राउतले भ्रष्टाचार र सरकारी जग्गा अतिक्रमणका घटना तथ्यसहित सार्वजनिक हुँदा जनता चुप लागेर बस्न नहुने तर्क गरेका छन् ।

बुधबार काठमाडौमा आयोजित एक कार्यक्रममा उनले सरकारले समृद्धिका नाममा बजेट उडाउने काममात्रै गरिरहेको आरोप लगाए । त्यस्तै उनले देशमा आर्थिक र सामाजिक क्रान्ति आवश्यक रहेको उल्लेख गरे ।

नेपालमा विद्यार्थीहरुको आन्दोलन अहिलेसम्म देश र जनताको हितका लागि नभएको भन्दै राउतले विद्यार्थी र युवाहरु राजनीतिक अस्त्रमात्रै बन्ने परिस्थिति रहुन्जेल समृद्धि नआउने जिकिर गरे ।

त्यस्तै उनले अहिले तराईका क्षेत्रमा लाईनमा लागेका सवै भारतीय हुन भन्ने अफवाहले राष्ट्रिय एकता सृदृढ गर्ने काम नगर्ने बताए ।

कार्यक्रममा अन्य वक्ताहरुले युवाशक्तिको उचित मूल्यांकन र व्यवस्थापन नभएसम्म देश विकास नहुने धारणा व्यक्त गरेका थिए ।