घरबाटै पक्राउ परे मेडिकल व्यवसायी दुर्गा प्रसाईं

६ असोज, काठमाडौं । मेडिकल व्यवसायी दुर्गा प्रसाईंलाई प्रहरीले पक्राउ गरेको छ । उनलाई भक्तपुरबाट पक्राउ गरिएको हो । आइतबार प्रसाईंलाई पक्राउ गर्न प्रहरी भक्तपुरको मध्यपुर थिमी नगरपालिका–६ कमेरोटारस्थित उनको घरमै गएको थियो । घरको गेट नै नखोलेपछि कम्पाउन्ड नाघेर भित्र प्रवेश गरेर प्रहरीले उनलाई नियन्त्रणमा लिएको हो ।

उनलाई साइबर ब्यूरो लगिएको जिल्ला प्रहरी कार्यालय भक्तपुरका डीएसपी मोहनमणि अधिकारीले जानकारी दिए । अहिले उनीमाथि अनुसन्धान भइरहेको छ । ब्यूरोले सोधपुछपछि उनलाई  छोड्छ कि राख्छ भन्ने केही बताइएको छैन ।