अगस्ट १७ देखि ३० सम्म हुने साफ महिला च्याम्पियनसिपका लागि ४० सदस्यीय टोली घोषणा

९ असोज, काठमाडौं । आगामी अगस्ट १७–३० सम्म हुने साफ महिला च्याम्पियनसिपको बन्द प्रशिक्षण टोली घोषणा भएको छ । पहिलो टोली चरणमा ४० खेलाडी समावेश गरिएका छन् । नेपाली महिला टिमका मुख्य प्रशिक्षक राजेन्द्र तामाङले प्रतियोगितामा ४० खेलाडीको प्रारम्भिक प्रशिक्षण टोली घोषणा गरेका हुन् । 

 आज घोषणा भएको टिममा एन्जिला तुम्बाप्पो सुब्बा, अञ्जना रानामगर, उषा नाथ, गिता राना, अमृता जैसी, समिक्षा घिमिरे, निशा थोकर, पुजा राना, विमला विक, हिराकुमारी भुजेल, प्रतिक्षा चौधरी, रेनुका नगरकोटी, प्रीति राई, सरु लिम्बु, दीपा शाही, सविता रानामगर, अनिता बस्नेत, अमिषा कार्की, विमला चौधरी, सावित्रा भण्डारी रहेका छन् । 

यस्तै रेखा पौडेल, रश्मीकुमारी घिसिङ, अनिता केसी, चन्द्रा भण्डारी, सरस्वती हमाल, तुलसा बोहरा, भूमिका बुढाथोकी, ममता पुन, यसोदा शाही, अञ्जली मचामसी, सुस्मा तामाङ, सुक्रिया मिया, सजिना कोइराला, नेहाकुमारी चौधरी, सजनी थोकर, अनिता लम्जेल, लिला जोशी, शुशिला चौधरी, कुस्मा राई र सुनिता भोलन ।

प्रारम्भिक प्रशिक्षणमा राखिएकामध्ये गोलकिपर एन्जिला तुम्बाप्पो सुब्बा, सावित्रा भण्डारी र रेखा पौडेल भने हाल विदेशी लिग खेलिरहेका छन् । सावित्रा फ्रान्स, एन्जिला ग्रिस र रेखा युनाइटेड अरब इमिरेट्स (यूएई) को क्लबमा आबद्ध छन् ।