राष्ट्रिय एकता प्रवर्द्धनमा खेल र सांस्कृतिक क्षेत्रको भूमिका महत्त्वपूर्ण : अध्यक्ष दाहाल
नेपालबहस संवाददाता
असोज ९, २०८१ बुधबार २२:१५:५०
९ असोज, काठमाडौं । पूर्वप्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले राष्ट्रिय एकतालाई प्रवर्द्धन गर्न खेल र सांस्कृतिक क्षेत्रले महत्त्वपूर्ण भूमिका निर्वाह गरेको बताएका छन् । अखिल नेपाल चेस एशोसियसनको आयोजनामा आजदेखि काठमाडौँमा सुरु भएको ‘एफएम सुजेन्द्रप्रसाद श्रेष्ठ प्रथम स्मृति भेट्रान राष्ट्रिय चेस प्रतियोगिता’को उद्घाटन गर्दै अध्यक्ष दाहालले राजनीति र विकास निर्माणपछि खेल र संस्कृतिलाई आफूले उच्च महत्त्व दिँदै आएको बताए ।
“मैले गणतन्त्र नेपालको पहिलो प्रधानमन्त्री भएदेखि अहिलेसम्म राजनीति र विकास निर्माणपछि खेल र संस्कृतिमा विशेष ध्यान दिँदै आएको छु”– पूर्वप्रधानमन्त्री दाहालले भने, “खेलकुद राष्ट्रियता प्रवर्द्धन, विकास र समृद्धिको यात्रा सुरु गर्ने, अनुशासन र मर्यादा कायम गर्दै समाजलाई रुपान्तरणको दिशामा लैजान माध्यम हो ।”
आफूले संस्कृतिलाई राष्ट्रिय एकताको आधारका रुपमा लिएर नै पहिलो प्रधानमन्त्री हुँदा अक्षयकोष स्थापना गरेको र त्यसमा सरकारका तर्फबाट सहयोग गरेको उनले स्मरण गराए । खेल र संस्कृति यी दुवै क्षेत्र राष्ट्रियता प्रवर्द्धन, जनताको अनुसशासन र समाजको मर्यादा स्थापित गर्न महत्त्वपूर्ण क्षेत्र भएको उनले स्पष्ट गरे ।
खेलका विभिन्न विधाअन्तर्गत चेस पनि स्थापित बन्दै गएको उल्लेख गर्दै उहाँले यसबाट समय व्यवस्थापन र मानसिक तन्दुरुस्तीमा सहयोग पुग्ने बताए । जनयुद्धकालमा जनमुक्ति सेना र पूर्णकालीन कार्यकर्ताले खाली समय व्यतित गर्दै मानसिक तन्दुरुस्तीका लागि चेस खेललाई प्रयोग गर्ने गरेको स्मरण गर्दै अध्यक्ष दाहालले अहिले चेसको विकास गर्ने अभियानमा पूर्वजनमुक्ति सेनाको नेतृत्वदायी भूमिका रहेको देख्दा खुसी लागेको बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपविपद् व्यवस्थापनका लागि हातेमालो गरौँ : गृहमन्त्री लेखक
असोज ९, २०८१ बुधबार
न्यूनतम साझा कार्यक्रम कार्यान्वयन गर्ने अर्थ मन्त्रालयको निर्णय
असोज ९, २०८१ बुधबार
आईजीपीको विदेश भ्रमणः रवि–छवि पक्राउ छल्ने, सरकारलाई असहयोग गर्ने
नेपालबहस संवाददाता
असोज ८, २०८१ मंगलबार
विपद् व्यवस्थापनका लागि हातेमालो गरौँ : गृहमन्त्री लेखक
असोज ९, २०८१ बुधबार
न्यूनतम साझा कार्यक्रम कार्यान्वयन गर्ने अर्थ मन्त्रालयको निर्णय
असोज ९, २०८१ बुधबार
वडाध्यक्षको हत्या आरोपमा दुई पक्राउ
असोज ९, २०८१ बुधबार
मनाङमा फस्टाउँदै बेमौसमीखेती
असोज ९, २०८१ बुधबार