पुरानै निवेदकलाई अवसर दिएर धितोपत्र बोर्डको अध्यक्ष नियुक्ति प्रक्रिया सुरु, १८ गते अन्तर्वार्ता
नेपालबहस संवाददाता
असोज १०, २०८१ बिहिबार ११:११:२२
१० असोज, काठमाडौं । सरकारले पुराना निवेदकलाई नै मौका दिएर नेपाल धितो पत्र बोर्ड अध्यक्ष नियुक्ति प्रक्रिया सुरु गरेको छ । यसअघि सर्टलिस्टमा परेका तर अन्तर्वार्ता तथा कार्य प्रस्तुतिमा सहभागी नभएका तीन जना उम्मेदवारलाई फेरि कार्य प्रस्तुति तथा अन्तर्वार्ताका लागि बोलाइएको छ ।
बोर्डको अध्यक्ष नियुक्तिका लागि नाम सिफारिस गर्न गठित सिफारिस समितिले पुनः सूचना निकालेर असोज १८ गते बिहान ८ बजे अन्तर्वार्ताका लागि बोलाएको छ । यसअघि नेप्सेका प्रमुख कार्यकारी कृष्णबहादुर कार्की, धितो पत्र बोर्डका कार्यकारी निर्देशक नवराज अधिकारी र नेपाल बिमा प्राधिकरणका अध्यक्ष चिरञ्जीवी चापागाईंलाई बोलाइएको हो । उनीहरुले दुई पटकसम्म व्यावसायिक कार्य योजनाको प्रस्तुतीकरण र अन्तर्वार्ता अस्वीकार गरेका थिए ।
यसअघि सन्तोषनारायण श्रेष्ठ र मुक्तिनाथ श्रेष्ठले मात्र व्यावसायिक कार्ययोजनाकाे प्रस्तुतीकरण र अन्तर्वार्ता दिएका थिए । प्रचण्ड नेतृत्वको तत्कालीन सरकारले प्रक्रिया रद्द गरेर नयाँ प्रक्रिया थाल्न समितिलाई निर्देशन दिएको थियो । यसपछि सरकार परिवर्तन भएसँगै सन्तोषनारायणले सर्वाेच्च अदालतमा रिट निवेदन दिएका थिए ।
सर्वाेच्चले सरकारलाई यो प्रक्रिया रद्द नगर्न र अहिलेको प्रक्रिया अनुसार नै बोर्डको अध्यक्ष नियुक्ति गर्न अन्तरिम आदेश दिएको थियो । यहीअनुसार सर्ट लिस्टमा परेका पाँच जना मध्यबाट नै अध्यक्ष छनोट गर्न समितिले काम सुरु गरेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थप३२.८१ अंकले नेप्सेमा गिरावट, ४ अर्ब ८४ करोडको शेयर खरिदबिक्री
असोज १०, २०८१ बिहिबार
बुधबार नेप्सेमा ४९ अंको सुधार, ४ अर्ब ८१ करोडको शेयर खरिदबिक्री
असोज ९, २०८१ बुधबार
५८ अंकले घटेर २४७० विन्दुमा आइपुग्यो नेप्से, ५ अर्ब ६८ करोडको शेयर खरिदबिक्री
असोज ८, २०८१ मंगलबार
न्यून कार्बन उत्सर्जन गर्न ऊर्जा प्रभावकारी भवन निर्माण आवश्यक छ : उपप्रधानमन्त्री सिंह
असोज ११, २०८१ शुक्रबार
नेपाली कांग्रेस शिक्षा विभागमा १० सदस्य मनोनीत
असोज ११, २०८१ शुक्रबार
त्रिभुवन अन्तर्राष्ट्रिय विमानस्थलमा चङ्गा, ड्रोन र बेलुन उडाउनेलाई कारबाही गरिने
असोज ११, २०८१ शुक्रबार
उखु र दुध किसानको भुक्तानीका लागि रकम निकासा
असोज ११, २०८१ शुक्रबार
उपत्यकाका नदीहरुमा पानी सतह बढ्यो, बागमती नदीले खतराको तह पार गर्यो
असोज ११, २०८१ शुक्रबार
न्यायाधीश सिफारिस गरेकोप्रति बारको असन्तुष्टि
असोज ११, २०८१ शुक्रबार