३२.८१ अंकले नेप्सेमा गिरावट, ४ अर्ब ८४ करोडको शेयर खरिदबिक्री

१० असोज, काठमाडौं । शेयरबजार साताको अन्तिम कारोबारको दिन पनि ३२.८१ अंकले घटेको छ । बिहीबार बजार मापक २४८६.७६ विन्दुमा कायम भएको छ । आज ३२२ कम्पनीको कारोबार हुँदा एक करोड ३६ लाख ९१ हजार ५९६ कित्ता शेयर ४ अर्ब ८४ करोड १४ लाख ७ हजार ७२० को खरिदबिक्री भएको छ ।

नेप्सेका अनुसार आज वीन नेपाल लघुवित्तको शेयर मूल्यमा सबै भन्दा बढी ९.८५ प्रतिशतले बढेको छ । त्यस्तै, आज ग्रीन भेन्चर लिमिटेडको शेयर मूल्यमा नकारात्मक सर्किट लागेको छ । त्यसैगरी आज अपि पावरको सबै भन्दा बढी ४७ करोड ९९ लाख ६७ हजार २२४ बराबरको शेयर कारोबार भएको छ ।  त्यस्तै अपि पावरकै शेयरको सबैभन्दा बढी १६ लाख ६८ हजार ३७४ कित्ता शेयर कारोबार भएको छ । 

आज ३९ कम्पनीको सेयर मूल्य बढ्दा २०१ कम्पनीको घटेको छ । यस दिन चार अर्ब ८४ करोड १४ लाख सात हजार ७२० रुपैयाँ बराबरको एक करोड ३६ लाख ९१ हजार ५९६ कित्ता सेयर खरिद बिक्री भएको छ ।
 
बजार घटे पनि विन नेपाल लघुवित्त, बोतलर्स नेपाल (बालाजु) एसबीएल डिबेन्चर, एनआईसी एसिया डिबेन्चर, एनएमबि डिबेन्चर लगायतको सेयर मूल्य उच्च कमाउने कम्पनीमा परे । उपसमूह सूचकतर्फ म्यानिफ्यक्चरिङ एण्ड प्रोसेसिङ इन्डेक्स ०.३० अंक तथा टे«डिङ इन्डेक्स ३५.१५ अंकले बढ्दा बाँकी समूह सूचक राताम्मे देखिएका छन् ।