गृहमन्त्रीले बोलाए केन्द्रिय सुरक्षा समितको बैठक

१२ असोज, काठमाडौं । गृहमन्त्री रमेश लेखकले बाढी पहिरोसहितको प्राकृतिक प्रकोपमा परेका नागरिकको राहत उद्धार तथा सहायता प्रभावकारी बनाउने लगायतका विषयमा छलफल गर्न केन्द्रीय सुरक्षा समितिको बैठक बोलाएका छन् । केन्द्रीय सुरक्षा समितिको बैठक आज बिहान १०: ३० बजे सिंहदरवारस्थित गृहमन्त्रालयमा बस्दै छ ।

साथै गृहमन्त्री लेखकले मुलुकका विभिन्न स्थानमा भइरहेको वर्षा,बाढी पहिरो र डुबानको समस्याबाट जनधनको क्षति हुनका साथै प्राकृतिक जोखिमबाट जनजीवन अस्तव्यस्त बनेको परिस्थितिमा सतर्क रहन र सुरक्षित स्थानमा बसी उच्च सतर्कता अपनाउन आग्रह समेत गरेका छन् ।