बाढी र पहिरोमा परी ११ जनाको मृत्यु, उपत्यकामा उद्दारका लागि महानगरले खटायो १७ टोली
नेपालबहस संवाददाता
असोज १२, २०८१ शनिबार १२:९:१३
१२ असोज, काठमाडौं । लगातारको वर्षाका कारण आएको बाढी र पहिरोमा परी ११ जनाको मृत्यु भएको छ । पहिरोमा पुरिएर पाँचथरमा दुई, धनकुटामा दुई जनाको मृत्यु भएको छ । धादिङमा खोलाले बगाएर एक जनाको मृत्यु भएको छ । प्रहरीका अनुसार १० जना बेपत्ता भएका छन् । ७६० जना सकुशल उद्धार गरिएको छ । १६२ घरमा क्षति भएको प्रहरीले जानकारी दिएको छ ।
झापामा बाढीले बगाएर एकजनाको मृत्यु भएको छ । काभ्रेमा पहिरोमा परेर तीन र ललितपुरमा एकजनाको मृत्यु भएको छ । काठमाडौंमा बाढी र पहिरोमा परेर एकजनाको मृत्यु भएको प्रहरीले जनाएको छ । यस्तै काठमाडौँ महानगरपालिकाले बाढी र डुबानमा फसेकाहरूलाई उद्धारका लागि नगर प्रहरीका १७ टोली परिचालन गरेको छ ।
मेयर बालेन्द्र शाहका अनुसार निरन्तर वर्षाका कारण राजधानी शहर काठमाडौँमा सिर्जना भएको विपद् व्यवस्थापन गर्न नगर प्रहरीका १७ वटा टोलीमा अधिकृत र जवान गरी ३ सय जना संलग्न गरिएको छ । टोलीहरू डुबान भएका बस्ती, नदी किनारा, रूख ढलेर अवरोध भएको सडकजस्ता जोखिम भएका ठाउँमा जनधनको क्षति न्यूनीकरणका लागि प्रयत्न गरिरहेका छन् ।
मेयर शाहका अनुसार वंशीघाट (विश्व निकेतन विद्यालय पछाडि), कुलेश्वर, कपुरधारा, जडीबुटी, टेकु, स्वयम्भू, बसुन्धारा, कपन, शंखमूल, न्युरोड, गणेशस्थानलगायत स्थानका समस्या समाधान भइरहेको छ । उनले भनेका छन्, ‘स्थानीयले दिएको सूचना, हटलाइन टेलिफोनमा टिपिएका अनुरोधलाई तत्काल सम्बोधन गर्ने प्रयास गरेको छौँ । यस्ता विपद्मा आफू र परिवारलाई बचाउनु तथा आपदमा परेकालाई जोगाउने हरेक नागरिकको दायित्व भएको उल्लेख गर्दै मेयर शाहले सतर्कता अपनाउन तथा पूर्वतयारी गर्न अपिल पनि गरेका छन् ।
डुबान, कटान, बाढी, पहिरोको जोखिम भए काठमाडौँ महानगरपालिकाका हटलाइन १६६००१०५५११ वा ११८०, महानगर प्रहरी बलको हटलाइन ९८५१३५६५०९ मा तत्काल सम्पर्क गरेर अवस्थाका बारेमा जानकारी गराउन उनले अनुरोध गरेका छन् । साथै आपत्कालीन अवस्थामा अस्पताल जानुपरे निःशुल्क एम्बुलेन्स प्रयोग का लागि १०२ मा फोन गर्न मेयर शाहले सूचना जारी गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसिन्धुली रामेछाप जोड्ने खुर्कोटको पक्की पुल बाढीले बगायो
असोज १२, २०८१ शनिबार
काठमाडौं उपत्यका र अन्य भागमा गरी अहिलेसम्म ३० जनाको मृत्यु, ११ जना बेपत्ता
असोज १२, २०८१ शनिबार
सहकारी ठगेर भागेका ढोरपाटनका मेयर देवकुमार नेपाली दिल्लीमा पक्राउ, नेपाल ल्याउने तयारी
असोज ११, २०८१ शुक्रबार
१२ घण्टा यता देशैभर भारी वर्षाः हवाई उडान प्रभावित, मुग्लिन-नारायणगढ सडकमा राती सवारी बन्द
असोज ११, २०८१ शुक्रबार
पोखरा अन्तर्राष्ट्रिय विमानस्थलः चिनियाँ ऋणको बोझबाट कहिले पाउला मुक्ति ?
असोज ११, २०८१ शुक्रबार
सिन्धुली रामेछाप जोड्ने खुर्कोटको पक्की पुल बाढीले बगायो
असोज १२, २०८१ शनिबार
महोत्तरीका चौबिस गाउँ बाढीको उच्च जोखिममा
असोज १२, २०८१ शनिबार
नारायणगढदेखि मुग्लिन हुँदै नागढुंगा सडकमा भोली बिहान ५ बजेसम्म सवारी चलाउन रोक
असोज १२, २०८१ शनिबार
अन्तर्राष्ट्रिय फोरमहरूमा नेपाल अझै पनि कमजोर बनिरहने ?
असोज १२, २०८१ शनिबार
पहिरोले माथिल्लो तामाकोशी जलविद्युत् आयोजनाको बाँध क्षेत्रका संरचनामा क्षति
असोज १२, २०८१ शनिबार