आजदेखि बैंकबाट सुकिला नोट साट्न सकिने

१३ असोज, काठमाडौं । आज आइतबारदेखि राष्ट्र बैंकले सर्वसाधारणका लागि सुकिला नोट सटही दिन थालेको छ । नेपाल राष्ट्र बैंकले यसअघि सूचना जारी गर्दै असोज १३ गतेदेखि २२ गतेसम्म सुकिला नोट दिने राष्ट्र बैंकले जनाएको छ । 

राष्ट्र बैंकको मुद्रा व्यवस्थापन विभाग र बैंकिङ विभागबाट नोट साट्न सकिनेछ । राष्ट्र बैंकको प्रदेशस्थित कार्यालय जनकपुर, वीरगन्ज, पोखरा, सिद्धार्थनगर, नेपालगन्ज र धनगढीबाट नोट सटहीको सुविधा लिन सकिने बैंकले जनाएको छ ।

बाणिज्य बैंक तथा इजाजत प्राप्त वित्तीय संस्थाका शाखा कार्यालयहरूबाट समेत नोट सटही गर्न सकिने जनाइएको छ । हरेक वर्ष दसैंका लागि नयाँ नोट बाँड्दै आएको राष्ट्र बैंकले यसपटक सुकिला नोट मात्र दिन लागेको हो ।