एमालेले पार्टीका सबै तहलाई उद्धार र राहतमा खटाउने, शुभकामना आदानप्रदान नगर्ने

१३ असोज, काठमाडौं । सत्ता नेतृत्व गरिरहेको नेकपा एमालेले बाढी, पहिरो र डुवानमा परेकाहरुको उद्धारमा पार्टीका सबै कमिटीहरु  परिचालन गर्ने भएको छ ।

आइतबार बसेको केन्द्रीय कार्यालय र विपद् व्यवस्थापन विभाग तथा स्वयंसेवा विभागको संयुक्त बैठकले तत्काल उद्धार कार्यमा पार्टी कमिटीहरु परिचालन गर्ने निर्णय भएको सो विभागका प्रमुख खिमलाल भट्टराईले जानकारी दिए । 
 
बैठकले उद्धार, राहत वितरण र पुनर्स्थापनामा केन्द्रित हुन सरकारलाई सुझाव दिने निर्णय पनि गरेको छ । आइतबार सरकारले बोलाएको सर्वदलीय बैठकमा महासचिव शंकर पोखरेलले पार्टीका तर्फबाट सुझावहरु राख्ने उनले बताए । अहिले देशभर कार्यकर्तालाई उद्धारमा खटाउने बैठकको निर्णय छ ।