आइतबार दिउँसो १ बजेसम्ममा १२९ जनाको मृत्यु

१३ असोज, काठमाडौं । अविरल वर्षापछि आएको बाढी र पहिरोमा परेर एक सय २९ जनाको मृत्यु भएको छ । नेपाल प्रहरीका अनुसार काठमाडौं उपत्यकासहित देशका विभिन्न स्थानमा बाढी र पहिरो जाँदा आइतबार दिउँसो १ बजेसम्म १२९ जनाको मृत्यु भएको हो । 

६२ जना बेपत्ता रहेको र ८६ जना घाइते प्रहरीको भनाइ छ । सुरक्षाकर्मीले ३ हजार २६६ जना भन्दा बढीको उद्धार गरेका छन् । वर्षाका कारण विभिन्न ठाउँका सडक पनि अवरूद्ध छन् । धादिङको झ्याप्ले खोलामा पहिरोमा पुरिएका शवहरू निकाल्ने काम जारी छ ।