प्रधानन्यायाधीश र राजदूतमा सिफारिस भएकाविरुद्ध परेका उजुरी आज खोलिने

१४ असोज, काठमाडौं । संसदीय सुनुवाइ समितिले आज सर्वोच्च अदालतको प्रधानन्यायाधीशमा सिफारिस भएका प्रकाशमान सिंह राउत र दुई जना प्रस्तावित राजदूत विरुद्ध आएको उजुरीमाथि छलफल गर्ने भएको छ । संसदीय सुनुवाइ समितिमा प्रस्तावित प्रधानन्यायाधीश राउत र दुई राजदूतका गरी समितिमा ८ उजुरी परको बताइएको छ । 

गएको भदौ ३१ गते बसेको संवैधानिक परिषदको बैठकले सर्वोच्च अदालतको प्रधानन्यायाधीशमा प्रकाशमान सिंह राउतलाई नियुक्त गर्न सिफारिस गरेको थियो । असोज ३ गते बिहीबार बसेको संसदीय सुनुवाइ समितिको बैठकले प्रधानन्यायाधीशमा सिफारिस राउतविरुद्ध सार्वजनिक उजुरी आह्वान गरेकोमा तोकिएको १० दिनभित्र राउतविरुद्ध ६ वटा उजुरी प्राप्त भएका छन् । 

असोज ३ को समितिको बैठकले प्रधानन्यायाधीशमा सिफारिस राउतसँगै बेल्जियम र अस्ट्रेलियाका लागि राजदूत सिफारिस सेवा लम्साल र चित्रलेखा यादवविरुद्ध पनि उजुरी माग गरेको थियो । उजुरी खोल्न र छलफल गर्न समितिको बैठक सोमबार दिउँसो १ बजे बोलाइएको छ ।