धादिङका एसपी केसी पनि तानिए

१४ असोज, काठमाडौं । गृह मन्त्रालयको आदेशमा प्रहरी प्रधान कार्यालयले धादिङका प्रहरी उपरीक्षक (एसपी) गौतम केसीलाई फिर्ता बोलाएको छ । धादिङमा एसपी दीपेन्द्र शाहीलाई पठाइएको छ। 

तीन दिनदेखि जारी वर्षाले ल्याएको वितण्डामा परेर धादिङको झ्याप्ले खोलामा ३५ जनाले ज्यान गुमाएका छन् ।  सो बाढी पहिरोमा फसेकाहरूको उद्धारमा लापरबाही गरेको भन्दै गृह मन्त्रालयले धादिङमा प्रमुख जिल्ला अधिकारी राजेन्द्र देव पाण्डेलाई पनि फिर्ता बोलाउने निर्णय गरिसकेको छ ।

आज बिहानै धादिङमा कार्यरत प्रजिअ पाण्डे र काभ्रेका प्रजिअ सूर्यप्रसाद सेढाईलाई फिर्ता बोलाएर सुमन घिमिरे र उमेश ढकाललाई पठाउने निर्णय भइसकेको छ ।