आजदेखि बन्दी प्रत्यक्षीकरण रिटका लागि मात्र सर्वोच्च अदालत बिहान ११ बजेदखि ३ बजेसम्म खुल्ने

१७ असोज, काठमाडौं । देशको सर्वोच्च न्यायालय सर्वोच्च अदालत आजदेखि दसैँ पर्वका अवसरमा बिदा भएको छ । अब देशैँ भरी बन्दी प्रत्यक्षीकरणको रिट निवेदनमा मात्र सुनुवाइ हुनेछ । उक्त निवेदन सुनुवाइका लागि बिदाको समयमा बिहान ११ बजेदखि ३ बजेसम्म खुला हुने बताइएको छ । 

सर्वोच्च अदालतको प्रशासनले जारी गरेको सूचनामा घटस्थापनादेखि कोजागत पूर्णिमासम्म अदालत बन्द रहने भए पनि बन्दी प्रत्यक्षीकरणको को रिट निवेदनमा सुनुवाइका लागि अदालत खुला रहने उल्लेख छ ।

न्याय प्रशासन ऐन, २०७३ को दफा २६ बमोजिम उक्त अवधिअन्तर्गत घटस्थापना, शनिबार र विजया दशमीका दिनबाहेक अन्य दिनमा बन्दी प्रत्यक्षकीकरणको रिट निवेदनमा सुनुवाइ हुने उल्लेख गरिएको हो ।