आज सुन प्रतितोल १ लाख ६१ हजार ३ सय र चाँदी तोलाको १९८० मा खरिदबिक्री

१८ असोज, काठमाडौं । शुक्रबार सुनचाँदीको मूल्यमा नयाँ किर्तिमान कायम भएको छ । शुक्रबार सुनको मूल्य तोलामा ४ सयले बढेर १ लाख ६१ हजार ३ सय पुगेको छ । नेपाल सुनचाँदी व्यवसायी महासंघका अनुसार यो सुनको अहिलेसम्मकै उच्च मूल्य हो । 

यस अघि असोज ११ गते सुनको मूल्य एक लाख ६१ हजार २ सयमा कारोबार भएको थियो । बिहीबार भने सुनको मूल्य एक लाख ६० हजार ९ सयमा कारोबार भएको थियो । आज चाँदीको मूल्यमा पनि वृद्धि भएको छ । आज चाँदीको मूल्य ३ रुपैयाँले बढेर १९८० रुपैयाँमा कारोबार भएको महासंघले जनाएको छ ।