समितिका संयोजक अधिकारी बिरामी भएपछि धितोपत्र बोर्डको अध्यक्ष छनोट गर्ने अन्तर्वार्ता स्थगित

१८ असोज, काठमाडौं । नेपाल धितोपत्र बोर्डको अध्यक्ष सिफारिस गर्ने समितिका संयोजक डा. शिवराज अधिकारी बिरामी भएपछि आज शुक्रबारमा लागि तय भएको अन्तर्वार्ता स्थगित भएको छ । सिफारिस समितिका संयोजक बिरामी परेकाले उमेदवारको अन्तर्वार्ता स्थगन गरिएको अर्थ मन्त्रालयले जनाएको छ । 

बोर्डको अध्यक्षको अन्तर्वार्ता दिन तीन जना उम्मेदवार अर्थ मन्त्रालय पुगेका थिए । तर, उनीहरूले अन्तर्वार्ता दिन पाएनन् । नेपाल स्टक एक्सचेन्ज (नेप्से)का प्रमुख कार्यकारी अधिकारी कृष्णबहादुर कार्की, धितोत्रप बोर्डका कार्यकारी निर्देशक नवराज अधिकारी र नेपाल बिमा प्राधिकरण (तत्कालीन बिमा समिति)का अध्यक्ष चिरञ्जीवी चापागाईं अन्तर्वार्ता दिन गएका थिए ।