चीनसँग ऐतिहासिक सम्झौता : परराष्ट्रमन्त्री ज्ञवाली

काठमाडौं । परराष्ट्रमन्त्री प्रदीप ज्ञवालीले वैशाख १२ को भूकम्पपछि अबरुद्ध रहेको तातोपानी नाका जेठ १७ देखि सञ्चालनमा ल्याउने सहमति भएको बताएका छन् ।

चीन भ्रमणपछि स्वदेश फर्के लगतै बिहिबार सिंहदरबारमा पत्रकार सम्मेलन गर्दे मन्त्री ज्ञवालीले चीनसँग भएको सम्झौता ऐतिहासिक भएको जानकारी दिदै तातोपानी नाका सञ्चालनमा ल्याउने बिषयमा जानकारी गराए ।

चीनतर्फका कन्टेनर सिधै तल आउने र सुख्खा बन्दरगाहमार्फत सामानहरु आवतजावत हुने जानकारी पनि मन्त्री ज्ञवालीले बताए । तातोपानी नाका सञ्चालनका लागी चीनतर्फका सबै संरचना बनिसकेका छन् भने नेपालतर्फ जुरेपहिरो लगायत केही स्थानमा चाँडै अवरुद्ध संरचना निर्माण भइरहेको उनले बताए ।

उहाले भ्रमणका क्रममा चिनियाँ राष्ट्रपति सी जिङपिङलाई नेपाल भ्रमणको निम्ता गरिएको र चिनियाँ पक्ष यसबारे सकारात्मक रहेको बताए ।

केरुङबाट काठमाडौँ आउने रेलमार्गको सम्भाव्यता अध्ययन पनि चाँडै थाल्ने भन्दै उनले पारवहन सम्झौता कुनै देशको विपक्षमा नरहेको स्पष्ट पारे ।