रवि लामिछानेविरुद्ध मुग्लिनमा सहकारी पिडितले देखाए कालोझण्डा !

१८ असोज, चितवन । राष्ट्रिय स्वतन्त्र पार्टी 'रास्वपा' का सभापति रवि लामिछानेलाई  मुग्लिनमा कालो झण्डा देखाएको छ । आफ्नो निर्वाचन क्षेत्रमा सार्वजनिक सुनुवाइ कार्यक्रममा सहभागी हुन  मुग्लिन पुगेका लामिछानेलाई सहकारी पीडितहरूले लामिछानेविरुद्ध नाराबाजी गर्दै कालो झण्डा देखाएका हुन् ।

लामिछानेले सार्वजनिक सुनुवाइ सकेर फर्किने क्रममा मुग्लिन बजारमा सहकारी पीडितहरूले कालो झण्डा देखाउँदै नाराबाजी गरेका थिए । नाराबाजी हुँदै गर्दाका प्रहरीले लामिछानेलाई सुरक्षा दिएर आफ्नो गन्तव्य तर्फ पठाएको बताएको छ । 

लामिछानेले सहकारीबाट गोरखा मिडियामा गएको रकमको दुरुपयोग गरेको संसदिय छानबिन विशेष समितिले दोषी ठहर गरेको छ । लामिछानेले आजको सार्वजनिक सुनुवाईमा आफुले सहकारी ठगि नगरेको दोहोराएका थिए ।