नवरात्रीको तेस्रो दिन, काठमाडौंको मैतीदेवी मन्दिरमा विहानैदेखि दर्शनार्थीको घुइचो

१९ असोज, काटमाठौं । नेपालीहरुको महान चाड विजया दशमी अर्थात बडा दसैँको आज तेस्रो दिन । काठमाडौंको ​​​​​मैतिदेवी मन्दिरमा विहानैदेखि दर्शनार्थीहरुको भीड छ ।  नवरात्री शुरु भएसँगै देशभरका देवीका मन्दिरमा  दर्शनार्थीको भीड देख्न सकिन्छ । काठमाडौंको मैतीदेवी भगवती मन्दिरमा पनि दर्शनार्थीहरुको शनिबार विहान भीड थियो ।   

नवरात्री शुरु भएसँगै देशभरका देवी आलयहरुमा दर्शनार्थीको भीड देख्न सकिन्छ । काठमाडौंका भगवती मन्दिरमा पनि दर्शनार्थीहरुको भीड छ ।  यस अवसरमा भद्रकाली, शंकटा, दक्षिणकाली, रक्ताकाली, इन्द्रायणी, चामुण्डा, श्रीमहालक्ष्मीदेवी मन्दिर, गुह्येश्वरी, मैतीदेवी, नक्साल भगवती, शोभा भगवती, कालिका स्थान, पलाञ्चोक भगवतीलगायत देशभरका शक्तिपीठमा पूजा आराधना एवं दर्शन गर्ने भक्तजनको भीड लाग्ने गर्छ ।