दाङको डाँडापातुवामा घरभित्र छिर्यो माइक्रो, ६ जना घाइते

२० असोज, दाङ । दाङको डाँडापातुवा एउटा माइक्रो बस घरभित्र छिरेर दुर्घटना भएको छ । ६ जना यात्रु घाइते भएका छ् । तुलसीपुरबाट आइतबार बिहान रुकुम पश्चिम हिँडेको बा.प्र ०३ –००१ ज ७७२ नम्बरको विद्युतीय माइक्रो बस स्थानीय  खिमबहादुर मल्लको घरमा छिरेको हो । 

गाडी केही भाग कोठाभित्रै छिरेको इलाका प्रहरी कार्यालय तुलसीपुरका प्रवक्ता इन्स्पेक्टर प्रकाश थापाले जानकारी दिए । दुर्घटनामा परी माइक्रो चालक, त्यसमा सवार यात्रु र डेरामा बसेकाहरू घाइते भएका छन् । गाडीमा कुल ९ जना रहेको प्रहरीले जनाएको छ ।

माइक्रो चालक २५ वर्षीय कुमार सन्यासी, यात्रुहरु २४ वर्षीया कल्पना चलाउने, उनकी  ८ वर्षीया छोरी  निर्मला चलाउने, घर भाडामा बस्दै आएका १२ वर्षीय रणविर नेपाली, २७ वर्षीया सपना चलाउने,  जिल्ला प्रहरी कार्यालय सल्यानमा कार्यरत प्रहरी बरिष्ठ हवल्दार  ३९ वर्षीय  दुर्गाबहादुर विक घाइते भएको प्रहरीले जनाएको छ ।