दशैंको मुखमा आईजीपी कुँवरविरुद्ध अख्तियारमा उजुरी
नेपालबहस संवाददाता
असोज २१, २०८१ सोमबार १२:५५:३३
२१ असोज, काठमाडौं । दशै नजिकिदै गर्दा नेपाल प्रहरीका महानिरीक्षक (आईजीपी) बसन्तबहादुर कुँवर विरुद्ध अख्तियार दुरुपयोग अनुसन्धान आयोगमा उजुरी परेको छ । तत्कालीन गृहमन्त्री रवि लामिछाने र उनका स्वकीय सचिव दीपक बोहोरासँगको मिलेमतोमा प्रहरी सरुवा गर्दा करोडौं उठाएको तथा चिनियाँ नागरिक पक्राउ गर्ने सूचना फुत्काएर करोडौं रुपैया असुल गरेको भन्दै केही दिन अघि उजुरी परेको हो ।
तत्कालीन एआईजी श्याम ज्ञवालीमाथि छानवीन गर्ने नाममा लेनदेन गरेको, विभिन्न वैध अवैध व्यापारमा संलग्न व्यापारीहरूसँग मोलमोलाई गरेको आरोप छ । स्रोतका अनुसार नयाँ वानेश्वरका केदार भण्डारीको नाममा उजुरी परेको छ । अख्तियारमा तथ्यसहित उजुरी परेपछि छानवीन अघि बढाइएको छ । उजुरी अख्तियारमा मात्र होइन, राज्य व्यवस्था समितिमा पनि परेको छ ।
सहकारी ठगी प्रकरणमा रवि लामिछानेलाई जोगाउन भूमिका खेलेका प्रहरी महानिरीक्षक कुँवरप्रति सरकार र प्रतिपक्षी दुवै असन्तुष्ट रहेका छन् । शहरका आकर्षक तथा तराईका जिल्लाहरूमा एसपी सरुवा गर्दा लाखौं असुली गरेको आरोप पनि उनीमाथि लागेको छ । सो उजुरीमा हुण्डी कारोबारीहरु मनोज कार्की र सुवास श्रेष्ठसँग मिलेमतो गरी रकम असुल गरेको पनि आईजीपी कुँवरमाथि आरोप लागेको छ ।
सहकारी ठगी प्रकरणमा रवि लामिछानेको संलग्नता सम्बन्धी प्रहरीले गरिरहेको अनुसन्धानलाई कमजोर बनाउँदै प्रमाण नष्ट गर्न ज्ञवालीले प्रमुख भूमिका निर्वाह गरेको र त्यसमा आईजीपीकै साथ रहेको प्रहरी स्रोतले जनाएको छ ।
दोस्रो पटक गृहमन्त्री भएलगत्तै लामिछानेले एआईजी ज्ञवालीलाई सहकारी ठगी प्रकरणमा प्रहरीले गरिरहेको छानविनलाई कमजोर बनाउन भूमिका खेले आईजीपी बनाइदिने प्रलोभन ज्ञवालीलाई दिइएको भएपनि आईजीपी नहुने भएपछि उनको सम्बन्ध रविसँग बिग्रदै गएको थियो । तत्कालीन सीआईबी प्रमुख किरण बज्राचार्यले सहकारी प्रकरणमा लामिछानेको संलग्नताबारे अनुसन्धान गरिरहेकी थिइन । लामिछानेले सहकारी ठगी गरेका दर्जनौं प्रमाण प्रहरीले भेटाएको थियो । प्रहरीले लामिछानेलाई पक्राउको तयारी गरिरहेका बेला सत्ता गठबन्धन नै फेरिएको थियो । संसदको चौथो ठूलो दल राष्ट्रिय स्वतन्त्र पार्टी रास्वपाका अध्यक्षसमेत रहेका लामिछाने उपप्रधान तथा गृहमन्त्री बने ।
गृहमन्त्री बन्न मरिहत्ते गरेका लामिछानेले सुरुमै सीआईबी प्रमुख बज्राचार्यलाई हटाएर ज्ञवालीलाई लगेका थिए र ज्ञवालीलाई सीआईबी प्रमुख बनाउँदा लामिछानेले भनेका थिए, सहकारीमा मलाई जोगादिनुस्, तपाईँलाई आईजीपी म बनाउँछु । गृहमन्त्रीबाटै यस्तो प्रस्ताव आएपछि सीआईबी प्रमुखको नेतृत्व पाएका ज्ञवालीले प्रहरी अनुसन्धानलाई नै ढिसमिस पारिदिए भने प्रमाणहरू पनि नष्ट गर्न सक्रिय भूमिका खेलेको चर्चा अहिले प्रहरीभित्र व्यापक छ । उनले गृहमन्त्री लामिछानेसँग मिलेर आईजीपी बसन्त कुँवरलाई नै बाइपास गरेर प्रहरी संगठन चलाउन खोजेका थिए । तर आईजीपी नै रविको सहयोगी भइदिएको स्रोतले जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराज्यसंयन्त्रमा कमजोरीः प्रधानमन्त्रीले तीन मन्त्री र मुख्यसचिवसँग किन गरे छलफल ?
असोज १८, २०८१ शुक्रबार
प्रहरीमा चार हजार दरबन्दी रिक्त, कासमु देखाएर वृत्ति विकासमा बन्ध्याकरण !
असोज १८, २०८१ शुक्रबार
अख्तियारले दोहोर्याएर किन छापा हान्यो ‘क्यान’मा ?
असोज १६, २०८१ बुधबार
कर्णालीले जित्यो एभरेस्ट महिला भलिबल लिगको उपाधि
नेपालबहस संवाददाता
असोज १९, २०८१ शनिबार
दाउन्ने सडकखण्डमा ठूला मालवाहक सवारीसाधन सञ्चालनमा रोक
नेपालबहस संवाददाता
असोज १९, २०८१ शनिबार
इजरायलले इरानको तेल केन्द्रमा निशाना बनाए कस्तो असर पर्छ ?
नेपालबहस संवाददाता
असोज १९, २०८१ शनिबार
सशस्त्रमा एसपीको सेवा अवधि फिर्ता : नेपाल प्रहरीमा ३० वर्षे हट्यो, १६ वर्षमा पेन्सन
असोज २१, २०८१ सोमबार
दशैंको मुखमा आईजीपी कुँवरविरुद्ध अख्तियारमा उजुरी
असोज २१, २०८१ सोमबार
आगामी मंसिर १६ गते हुने स्थानीय तहको उपनिर्वाचनका लागि २५ दल दर्ता
असोज २०, २०८१ आइतबार
डल्ले खुर्सानी बेचेर एक लाख आम्दानी
असोज २१, २०८१ सोमबार
मुस्ताङी च्याङ्ग्राको मूल्यमा गिरावट आएपछि माग बढ्यो
असोज २१, २०८१ सोमबार
बाढीपहिरोबाट २४६ जनाको मृत्यु: १८ अझै बेपत्ता, १७ हजार १७४ को उद्धार
असोज २१, २०८१ सोमबार
थारु बस्तीमा सखिया नाचको रौनक
असोज २१, २०८१ सोमबार