मंगलबार २७ अंकले घटेर २६६३ विन्दुमा रोकियो नेप्से, ३५ कम्पनीको मूल्य बढ्दा २०७ वटाको घट्यो

२२ असोज, काठमाडौं । धितोपत्र दोस्रो बजार मापक नेप्से परिसूचक मंगलबार २७.३९ अंकले घटेर बन्द भएको छ । सोमबारको तुलनामा नेप्से परिसूचक १.०१ प्रतिशतले घटेर २६६३.३२ विन्दुमा बन्द भएको हो ।
 
आज ३०० कम्पनीका एक करोड ३ लाख ३० हजार ५०२ कित्ता शेयर ४ अर्ब ५९ करोड ३७ लाख २७ हजार २४४ को खरिद बिक्री भएको छ । नेप्सेका अनुसार आज मिड सोलु हाइड्रोको शेयर मुल्यमा सकारात्मक सर्किट लागेको छ भने इस्टर्न हाइड्रोको शेयरमा ८.५० प्रतिशतले घटेको छ । 

त्यसैगरी आज एनएलजी इन्सुरेन्सको सबै भन्दा बढी २७ करोड १७ लाख ६१ हजारको शेयर कारोबार भएको छ । त्यस्तै आज लक्ष्मी सनराइज प्रमोटर शेयर ४ लाख कित्ता कारोबार भएको छ ।  
 
कारोबारमा आएका १३ समूहगत परिसूचकमध्ये म्युचुअल फन्ड समूहको परिसूचक स्थिर छ । बाँकी सबै समूहको परिसूचक घटेको छ । फाइनान्स समूहको परिसूचक सर्वाधिक २.७६ प्रतिशतले घटेको नेपाल स्टक एक्सचेन्ज (नेप्से)ले जनाएको छ ।

३५ कम्पनीको शेयर मूल्य बढेको छ । २०७ कम्पनीको शेयर मूल्य घटेको छ । डेल्टी पावर कम्पनी र आशा लघुवित्त वित्तीय संस्थाको शेयर मूल्य स्थिर छ ।

मिड सोलु हाइड्रोपावर लिमिटेडको शेयर मूल्य १० प्रतिशतले बढेको छ । यो कम्पनीको शेयर मूल्य प्रतिकित्ता ९४ रुपैयाँ ३० पैसा बढेर एक हजार ३७ रुपैयाँ ३० पैसा कायम भएको छ । इस्टर्न हाइड्रोपावरको मूल्य ८.५० प्रतिशतले घटेको छ । यो कम्पनीको शेयर मूल्य प्रतिकित्ता ८२१ रुपैयाँ कायम छ ।