बडा दशैंको उपलक्ष्यमा काठमाडौं ताराले राख्यो भब्य शुभकामना कार्यक्रम

२३ असोज, काठमाडौं । लाइन्स कल्ब अफ काठमाडौं ताराले बडा दशैं २०८१ को उपलक्ष्मा लाइन लिडर तथा सदस्यहरुबीच शुभकामना आदानप्रदान कार्यक्रम सम्पन्न गरेको छ ।  काठमाडौंको सामाखुसीस्थित ग्रिह भिवेज गोर्खा होटलमा काठमाडौं ताराले मंगलबार शुभकामना आदानप्रदान कार्यक्रम सम्पन्न गरेको हो । 

भब्य समारोहबीच भएको शुभकामना आदानप्रदान कार्यक्रममा लाइन लिडरहरुले मन्चबाटै शुभकामना साटासाट गरेका थिए । मन्चबाहिर रहेका लाइन सदस्य तथा उपस्थित पाहुनाहरुले पनि आफ्नो परिचयसहित शुभकामना बाँडेका थिए । कार्यक्रममा काठमाडौं ताराले लाइन लिडर तथा सदस्यहरुलाई टोकन आफ ल (मायाको चिनो) वितरण गरेको थियो । 

लाइन्स कल्ब अफ इनटरनेशनल २५के का गभर्नर निरा बज्राचार्यले हालै आएको बाढी पहिरोमा परेकोहरुलाई राहात सामाग्री वितरण गरिएको जानकारी दिँदै उपस्थित सबैमा बडादशैंको शुभकामना दिएकी थिइन् । कार्यक्रममा गभर्नर बज्राचार्यले लाइन्स लिडर तथा सदस्यहरुलाई मायाको चिनो प्रदान गरेकी थिइन् । लाइन्स कल्ब अफ काठमाडौं ताराका पूर्व अध्यक्ष तथा जोन चियर पर्सन राजकुमार बस्नेतको अग्रसरतामा सो शुभकामना आदानप्रदान कार्यक्रम राखिएको थियो । 

शुभकामना आदानप्रदान कार्यक्रममा प्रमुख अथिति डीजी निरा बज्राचार्य, सेकेन्ड डीजी रमेस अधिकारी चिफ एडभाइजर बिष्णुहरी फुयाल, बिशिष्ट अफिसर सुलोचना मानन्धर, बिशिष्ट अफिसर सुमि रन्जित, नबत लिडर ट्रिजा ढकाल, न्यु भ्वाइस इनिसेटिप चिफ लक्ष्मी थापा, क्लष्टर चिफ अनिता खड्का रायमाझी, कोरिजोन चियर पर्सन निसा श्रेष्ठ, रिजोन आमन्त्रित अतिथी स्याम क्रृष्ण तिमिल्सेना, कोजोन खेम प्रसाद श्रेष्ठ, आमन्त्रित क्लब अध्यक्ष निर्मल भट्टराइ, साइनिङ स्टारका अध्यक्ष बद्रिकुमार न्यौपाने लगायतको सहभागीतामा कार्यक्रम सम्पन्न भएको थियो ।

कार्यक्रमको अध्यक्षता काठमाडौं ताराकी अध्यक्ष संगिता श्रेष्ठले गरेकी थिइन् । कार्यक्रम सम्पन्न भएपछि काठमाडौं ताराले विशेष खानपानको व्यवस्था पनि गरेको थियो ।