रिङरोडमा आज र भोलि सशस्त्र प्रहरीको निशुल्क बस सेवा

२५ असोज, काठमाडौं । बडादशैं २०८१ को अवसरमा यात्रुहरूको सहजताको लागि सशस्त्र प्रहरी बलले आज र भोलि 'असोज २५ र २६ गते' काठमाडौंको रिङरोडमा निःशुल्क बस सेवा संचालन गरेको छ । 

आज बिहान ६ बजे बाट शुरु भएको निःशुल्क बस सेवा अन्तर्गत एउटा बस  प्रधान कार्यालयबाट कलंकी, सातदोबाटो, कोटेश्वर, गौशाला , महाराजगन्ज, बालाजु रुटमा संचालन गरिएको छ भने अर्को बस प्रधान कार्यालयबाट बालाजु, महाराजगन्ज,गौशाला , कोटेश्वर , सातदोबाटो, कलंकी रुटमा संचालन गरिएको छ । 

चाडपर्वको समयमा सार्वजनिक गाडी कम गुड्ने भएकोले सर्वसाधारणको सुविधाको लागि बस संचालन गरिएको हो । बडादशैंको अबसरमा यस अघिका बर्षमा पनि काठमाडौमा सशस्त्र प्रहरी बलले  निशुल्क बस सेवा संचालन गरेको थियो । 

यसै गरि बिगत बर्षहरु जस्तै यस बर्ष पनि सर्वसाधारणका लागि सशस्त्र प्रहरी बलले देश भरी स्थानिय निकायसंगको समन्वय समेतमा १ सय ९७ वटा लिङ्गेपिङ राखेको छ । बिगत करिब १४ बर्ष देखि पिङ राख्ने कार्यलाइ यो बर्ष पनि निरन्तरता दिइएको हो ।