दशैं टीकाको साइत आरम्भ

२६ असोज, काठमाडौं । विजया दशमीको टीकाको साइत आरम्भ भएको छ । अन्तर्राष्ट्रिय पञ्चाङ्ग निर्णायक समितिका अनुसार आज बिहान ११ बजेर ३६ मिनेट जाँदा टीकाको शुभ साइत सुरु भएको हो ।  

समितीले विभिन्न देशमा बसोबास गर्ने सनातन धर्मावलम्बीहरूका लागि विजया दशमीको टीकाको साइत सार्वजनिक गरेको छ । दशैंमा मान्यजनको हातबाट टीका ग्रहण गर्ने र आशीर्वाद लिँदा दुर्गा भवानीले रक्षा गर्ने र सत्यको जित हुने मान्यता रही आएको छ ।