महिला टी-२० विश्वकप : आज पहिलो सेमिफाइनलमा अस्ट्रेलिया र दक्षिण अफ्रिका खेल्दै

१ कार्तिक, काठमाडौं । जारी आइसीसी महिला टी-२० विश्वकप अन्तर्गत आज पहिलो सेमिफाइनल खेल हुँदै छ ।

आज पहिलो सेमिफाइनलमा डिफेन्डिङ च्याम्पियन अस्ट्रेलिया र दक्षिण अफ्रिका खेल्दै छन् । यो खेल नेपाली समय अनुसार राति ७:४५ बजेदेखि शुरु हुँदै छ ।

अस्ट्रेलिया प्रतियोगितामा अपराजित रहँदै समुह ए को विजेता हुँदै सेमिफाइनलमा पुगेको हो भने दक्षिण अफ्रिका समुह बी को उपविजेता हुदै सेमिफाइनलमा पुगेको हो ।समुह चरणमा ४ खेल खेलेको दक्षिण अफ्रिकाले इङल्याण्डविरुद्ध हार बेहोरेको थियो ।

त्यस्तै दोस्रो सेमिफाइनल खेल भने शुक्रबार हुँदै छ । दोस्रो सेमिफाइनलमा वेस्ट इन्डिज र न्यूजील्याण्ड खेल्दै छन् ।