साजिद खानले ७ विकेट लिएपछि इङल्याण्ड २९१ रनमा अलआउट

१ कार्तिक काठमाडौं । पाकिस्तानविरुद्धको दोस्रो टेस्टमा इङल्याण्ड २९१ रन बनाएर अल आउट भएको छ ।

पाकिस्तानका बलर साजिद खानले ७ विकेट लिएपछि इङल्याण्ड २९१ रनमा अल आउट भएको हो । योसँगै यस टेस्टको पहिलो इनिंगमा पाकिस्तानले महत्वपूर्ण ७५ रनको बढ्त बनाएको छ ।

इङल्याण्डका लागि पहिलो इनिंगमा बेन डुकेटले ११४ रन बनाए भने अन्य ब्याट्सम्यानले उल्लेख्य योगदान दिन सकेनन् । पकिस्तानका बलर साजिद खानले ७ विकेट लिएका थिए । त्यस्तै नोमन अलीले ३ विकेट लिएका थिए ।

यस अघि पाकिस्तानले आफ्नो पहिलो इनिंगमा ३६६ रन बनाएको थियो । अब पाकिस्तानले आफ्नो दोस्रो इनिंगको ब्याटिंग शुरु गर्दै छ  ।