वडा प्रहरी श्रीपुरको सक्रियतामा ३० लाखको अवैध खाद्यान्नसहित ट्रक पक्राउ

१ कार्तिक, पर्सा ।  वडा प्रहरी कार्यालय श्रीपुरको सक्रियतामा करिब ३० लाख रुपैयाँ बराबरको अवैध खाद्यान्न बोकेको ट्रक पक्राउ गरिएको छ। ना ३ ख ७३२ नम्बरको उक्त ट्रकलाई वीरगञ्ज महानगरपालिका वडा नं। १४ स्थित गण्डक चोकबाट असोज १६ गते राति करिब १२ : ३० बजे नियन्त्रणमा लिइएको हो।

जिल्ला प्रहरी कार्यालय पर्साका प्रवक्ता प्रहरी नायब उपरीक्षक दीपक भारतीका अनुसार, ट्रकले बिना बिल भुक्तानी ठूलो मात्रामा खाद्यान्न र खुला मालसामानहरू बोकेर गन्तव्यतर्फ जाँदै गर्दा सूचनाका आधारमा श्रीपुर वडा प्रहरीको टोलीले प्रभावकारी अपरेसन गर्दै उक्त ट्रकलाई रोकी अवैध सामग्रीसहित नियन्त्रणमा लिएको हो।

उक्त ट्रक र सामग्रीलाई थप अनुसन्धान र कानुनी कारवाहीका लागि राजस्व अनुसन्धान कार्यालय, पथलैया, बारामा बुझाइएको छ। यस अपरेसनले अवैध ढुवानी रोक्न प्रहरीले आफ्नो अभियानलाई अझ सशक्त बनाएको छ।

प्रवक्ता भारतीले अवैध कारोबार नियन्त्रणमा प्रहरीले कडा निगरानी राख्ने र यस्ता गतिविधिमा संलग्न हुनेलाई कारवाही गरिने उनले बताए  ।