महोत्तरीमा १५ बर्षिय किशोरीमाथि जवरजस्ती करणी

३ कार्तिक, महोत्तरी । महोत्तरीको बर्दिवासमा एक अटो चालकले १५ बर्षिय किशोरीलाई जवरजस्ती करणी गरेको घटना बाहिरिएको छ । भंगाहा घर भएका ३० बर्षिय अटो चालकले घरमा लगेर जवर्जस्ती करणी गरेको तिन दिनपछी खुलासा भएको हो । किशोरीको स्वास्थ्य अवस्था विग्रदै गएपछि अभिभावकहरूले सोधीखोजी गर्दा जवरजस्ती बलात्कृत भएको बाहिरिएको थियो ।

छोरीले आफू बलात्कृत भएको वताएपछि घटनाबारे पीडित परिवारले इलाका प्रहरी कार्यालय बर्दिबासमा शुक्रबार उजुरी दिएका छन । बर्दिबास–१४ मा डेरा गरी बस्ने उक्त ३० बर्षिय पुरुषले किशोरीलाई मङ्गलबार  कामको निहुँ बनाएर आफ्नै भाडाको कोठामा लगेर जबर्जस्ती गरेको पीडित परिवारको गुनासो छ ।

घटनाबारे सूचना पाएलगत्तै इलाका प्रहरी कार्यालय बर्दिबासले पीडित युवतीलाई  स्वास्थ्य परिक्षणको लागि बर्दिबास अस्पताल पुर्‍याएको  छ । परिवारले बलत्कार नै भएको दावी गरेतापनि घटनाको सम्बन्धमा प्रारम्भिक अनुसन्धान अगाडि वढाईएको प्रहरीले जनाएको छ ।

पीडित परिवारले किटानी जाहेरी दिएका अटो (सफारीचालक) प्रहरीलाई सूचना आएपछी  कोठामा नरहेको र उनको खोजी गरिरहेको इलाका कार्यालय प्रमुख रेवतिरमन पोखरेलले जानकारी दिए ।