हिरासतमा सर्वसाधारण र भीआईपीमा भेदभावः अदालत लैजाँदा रवि लामिछानेलाई लगाइएन हतकडी
नेपालबहस संवाददाता
कात्तिक ४, २०८१ आइतबार १४:५८:२२
४ कात्तिक, पोखरा । कानुनले सबैलाई बराबरी भने पनि व्यवहारमा भने भीआईपी र सर्वसाधारणमा धेरै भेदभाव हुने गरेको छ । एउटै अपराधमा हिरासत रहेका बेला सर्वसाधारणलाई हतकडी लगाएर राखिन्छ भने भीआईपीहरु हतकडीबिहीन हुन्छन् । आइतबार सहकारी ठगी आरोपमा समातिएका पूर्वगृहमन्त्री रवि लामिछानेलाई विना हतकडी अदालत लगियो ।
नेपाली जनताले तिरेको करबाट सरकारी कर्मचारीले तलब खान्छन् । जनताले गरेको मतदानबाटै नेता चुनिएका आएका हुन्छ । तर, सरकारी कर्मचारीले जनता र नेतामा गर्ने व्यवहार धेरै फरक छ भन्ने आजको घटनाबाट पुष्टि भएको छ । रास्वपा सभापति एवं पूर्वगृहमन्त्री रवि लामिछानेलाई जिल्ला अदालत कास्कीमा म्याद थपका लागि उपस्थित गराइँदा हतकडी लगाइएन ।
विना हतकडी लामिछानेलाई कास्की जिल्ला अदालतमा उपस्थित गराइएको छ । प्रहरीले म्याद थपका लागि उनलाई अदालतमा उपस्थित गराएको हो । यसअघि नक्कली भुटानी शरणार्थी प्रकरणमा पक्राउ परेका नेपाली कांग्रेसका नेता तथा पूर्वगृहमन्त्री बालकृष्ण खाँणलाई पनि प्रहरीले हतकडी लगाएको थिएन । त्यही ठाउँमा सर्वसाधारण अभियुक्त भएको भए प्रहरीले समात्ने बित्तिकै हतकडी लगाउँथ्यो ।
कानुन त सबैका लागि एउटै न हो । तर, नेता र सर्वसाधारणलाई गर्ने व्यवहार किन छुट्टाछुट्टै ? अभियुक्त पक्राउ परेपछि उसलाई मेडिकल चेकजाँच र अदालतमा म्याद थप गर्न लैजाँदा अनिवार्य हतकडी लगाउनुपर्छ । उनीहरुलाई बस्नका लागि पनि कोठामा खाट हालेर छुट्टै व्यवस्थापन गरिएको हुन्छ । यसले जनताको करबाट तलब खाएका, लुगा लगाएका प्रहरीले जनता र नेतामाथि विभेद गर्न मिल्छ भन्ने प्रश्न उठाएको छ ।
यसअघि पूर्वगृहमन्त्री रामबहादुर थापा ‘बादल’का तत्कालीन सुरक्षा सल्लाहकार इन्द्रजित राईलाई पनि प्रहरीले हतकडी लगाएको थियाे। भीआईइपीहरुलाई हतकडी नलगाइएको भन्दै सामाजिक सञ्जालमा चर्को विरोधसमेत भइरहेको छ । जिल्ला सरकारी वकिलको कार्यालय कास्कीमा कागजपत्र मिलाएर लामिछानेलाई जिल्ला अदालत लगिएको हो । जिल्ला अदालत कास्कीका सूचना अधिकारी सुरज अधिकारीका अनुसार लामिछानेको म्याद थपका लागि न्यायाधीश नवराज दाहालको इजलासमा पेसी तोकिएको छ, उनी हतकडीबिहीन छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसहकारी ठगी आरोपमा पक्राउ परेका रवि लामिछानेलाई ६ दिन हिरासतमा राख्न अदालतको अनुमति
कात्तिक ४, २०८१ आइतबार
कास्की अदालतमा लामिछानेविरुद्धको बहस सकियो
कात्तिक ४, २०८१ आइतबार
रवि लामिछानेलाई अदालत हाजिर गराउन पोखराका चोकचोकमा सुरक्षाकर्मी परिचालन
कात्तिक ४, २०८१ आइतबार
प्रचण्डको सूचनामा रास्वापाको हाइअलर्ट : रवि ३४ दिन थुनामा रहनसक्ने
नेपालबहस संवाददाता
कात्तिक ३, २०८१ शनिबार
अब के गर्छन सभामुख, के हुन्छ लामिछानेको सांसद पद
नेपालबहस संवाददाता
कात्तिक २, २०८१ शुक्रबार
देउवा नभेटी किन विराटनगर गए कोइरालाः कांग्रेसमा हल्ला, पुसभित्र केही हुन्छ ?
नेपालबहस संवाददाता
कात्तिक ४, २०८१ आइतबार
देउवा नभेटी किन विराटनगर गए कोइरालाः कांग्रेसमा हल्ला, पुसभित्र केही हुन्छ ?
कात्तिक ४, २०८१ आइतबार
हिरासतमा सर्वसाधारण र भीआईपीमा भेदभावः अदालत लैजाँदा रवि लामिछानेलाई लगाइएन हतकडी
कात्तिक ४, २०८१ आइतबार
रवि लामिछानेमाथि कडा कारवाहीको माग गर्दै पोखरामा सहकारी पीडितको प्रदर्शन
कात्तिक ४, २०८१ आइतबार
हिजबुल्लाहद्वारा आइतबार दिनभरमा इजरायलमाथि १०० क्षेप्यास्त्र प्रहार
कात्तिक ४, २०८१ आइतबार
तीनवटै विमान उडानमा छन्ः वायुसेवा निगम
कात्तिक ४, २०८१ आइतबार
सम्पत्ति शुद्धिकरणसम्बन्धी अनुसन्धान तथा अभियोजन प्रक्रियालाइ तीव्र पारिने
कात्तिक ४, २०८१ आइतबार
प्रधानमन्त्री ओली र कांग्रेस सभापति देउवाबीच भेटवार्ता
कात्तिक ४, २०८१ आइतबार
साफ महिला च्याम्पियनसिप: पाकिस्तानसँग हारबाट बच्यो बंगलादेश
कात्तिक ४, २०८१ आइतबार