इजरायलको इरान आक्रमणको योजना अमेरिकाबाट लिक !
नेपालबहस संवाददाता
कात्तिक ५, २०८१ सोमबार १०:१९:१९
५ कात्तिक, काठमाडौं । इजरायलले इरानमा आक्रमण गर्न बनाएको गोप्य योजना अमेरिकाबाट लीक भएको छ । यी कागजातहरूमा इजरायलले इरानमाथि आक्रमण गर्न बनाएको योजना रहेको दाबी गरिएको छ । सीएनएनको रिपोर्टका अनुसार अमेरिकाले पनि यस विषयमा अनुसन्धान सुरु गरेको छ । सिएनएनले एक अमेरिकी अधिकारीलाई उद्धृत गर्दै यी कागजहरू 'मिडल ईस्ट स्पेक्टेटर' नामक च्यानलले अक्टोबर १८ शुक्रबार टेलिग्राममा पोस्ट गरेको उल्लेख गरेको छ ।
यी कागजातहरूमा शीर्ष गोप्य र १५ र १६ अक्टोबरको मिति लेखिएको छ । यस प्रकारका कागजातहरू लीक हुनु अमेरिकाका लागि गहिरो चिन्ताको विषय भएको बताइएको छ । यी कागजातहरू अमेरिका र यसका सहयोगी देशहरू अष्ट्रेलिया, क्यानडा, न्यूजील्याण्ड र बेलायतका लागि भएको जो गुप्तचर नेटवर्क फाइभ आइजका हिस्सा रहेका छन् । इरानले अक्टोबर १ मा इजरायलमा १८० मिसाइल आक्रमण गरेको थियो ।
यसपछि इजरायलले बदला लिने बताउँदै आएको छ । गोप्य दस्तावेजका अनुसार इजरायलले इरानमाथि ठूलो आक्रमणको तयारी गरिरहेको छ । यी मध्ये एउटा दस्तावेजका अनुसार इजरायलले आक्रमणका लागि हतियार ढुवानी गर्न थालेको छ । यो कागजात नेशनल जियोस्पेशियल इन्टेलिजेन्स एजेन्सीले तयार पारेको हो । अर्को कागजातमा इजरायली वायुसेनाको अभ्याससँग सम्बन्धित जानकारी समावेश छ ।
यसमा हावाबाट जमीनमा मार हान्ने मिसाइलहरूको परीक्षणसँग सम्बन्धित जानकारी समावेश छ । सीएनएनका अनुसार यी अभ्यासहरू इरानमाथि आक्रमण गर्ने तयारीको एक हिस्सा भएको मानिएको छ । यस विषयमा अमेरिकी पूर्व उपविदेशमन्त्री मिक मुल्रोयले इरानमाथि इजरायलको जवाफी हमलासँग सम्बन्धित सूचना साँच्चै लीक भएको भए यो नियमको गम्भीर उल्लंघन भएको टिप्पणी गरेका छन् ।
यसले अमेरिका र इजरायलबीचको भावी सम्बन्धमा नकारात्मक असर पार्न सक्ने उनको विश्लेषण छ । गत वर्ष पनि अमेरिकाबाट केही खुफिया सूचना चुहावट भएको थियो । जसका कारण अमेरिका र दक्षिण कोरिया र युक्रेन जस्ता सहयोगी राष्ट्रहरूबीच तनाव उत्पन्न भएको थियो । अमेरिकी राष्ट्रपति जो बाइडेन र इजरायली प्रधानमन्त्री बेन्जामिन नेतान्याहुबीचको सम्बन्ध यस वर्षको अगस्टदेखि बिग्रिएको बताइएका बेला यो लिकले समबन्ध अझ बिग्रिन सक्ने विश्लेषण गरिएको छ ।
यी कागजातहरू लीक भएको जानकारी शनिबार पहिलो पटक प्रकाशमा आएको थियो । यी कागजातहरू ह्याक गरिएको हो वा कसैले जानाजानी लीक गरेको हो भन्ने कुरा अहिलेसम्म स्पष्ट भएको छैन । यसअघि अमेरिकी गुप्तचर एजेन्सीहरूले अगस्टमा इरानले पूर्व अमेरिकी राष्ट्रपति डोनाल्ड ट्रम्पको चुनावी अभियानसँग सम्बन्धित कागजात ह्याक गरेको जानकारी दिएका थिए ।
इरानले अक्टोबर १ मा राति १० बजे इजरायलमा १८० भन्दा बढी ब्यालेस्टिक मिसाइल प्रहार गरेको थियो । यस आक्रमणमा ठूलो क्षति भने भएको थिएन । तर, तेल अभिभमा २ जना सर्वसाधारण घाइते भएका थिए । यी आक्रमणहरू सम्पूर्ण इजरायलमा ३० मिनेटको लागि गरिएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपभारतमा विमानमा बमको धम्कीबाट दुई सय करोडभन्दा बढीको नोक्सानी !
कात्तिक ५, २०८१ सोमबार
हिजबुल्लाहद्वारा आइतबार दिनभरमा इजरायलमाथि १०० क्षेप्यास्त्र प्रहार
कात्तिक ४, २०८१ आइतबार
क्युबामा देशभर विद्युत अवरुद्ध
कात्तिक ३, २०८१ शनिबार
प्रचण्डको सूचनामा रास्वापाको हाइअलर्ट : रवि ३४ दिन थुनामा रहनसक्ने
नेपालबहस संवाददाता
कात्तिक ३, २०८१ शनिबार
देउवा नभेटी किन विराटनगर गए कोइरालाः कांग्रेसमा हल्ला, पुसभित्र केही हुन्छ ?
नेपालबहस संवाददाता
कात्तिक ४, २०८१ आइतबार
अब के गर्छन सभामुख, के हुन्छ लामिछानेको सांसद पद
नेपालबहस संवाददाता
कात्तिक २, २०८१ शुक्रबार
देउवा नभेटी किन विराटनगर गए कोइरालाः कांग्रेसमा हल्ला, पुसभित्र केही हुन्छ ?
कात्तिक ४, २०८१ आइतबार
हिरासतमा सर्वसाधारण र भीआईपीमा भेदभावः अदालत लैजाँदा रवि लामिछानेलाई लगाइएन हतकडी
कात्तिक ४, २०८१ आइतबार
अध्यादेशको हल्लाले एकीकृत समाजवादीमा त्रासः पार्टी आफैं विभाजित हुन्छ कि ओलीले फुटाउँछन् ?
कात्तिक ४, २०८१ आइतबार
अख्तियारबाट फिर्ता बोलाएर एसपी थापामाथि ‘हनीट्रयाप’मा अनुसन्धान शुरु
कात्तिक ५, २०८१ सोमबार
कांग्रेस र एमालेको मिलनबिन्दु लामिछाने पक्राउ र अध्यादेश, आजै मन्त्रिपरिषद बैठक बस्दै
कात्तिक ५, २०८१ सोमबार
जुम्ला पुगे प्रचण्ड
कात्तिक ५, २०८१ सोमबार
राजनीतिक दलसम्बन्धी अध्यादेशबारे छलफल गर्न प्रधानमन्त्रीले बोलाए मन्त्रिपरिषद बैठक
कात्तिक ५, २०८१ सोमबार
सुनको मूल्यमा रेकर्डमाथि रेकर्ड, चाँदी पनि बढ्यो
कात्तिक ५, २०८१ सोमबार