राजनीतिक दलसम्बन्धी अध्यादेशबारे छलफल गर्न प्रधानमन्त्रीले बोलाए मन्त्रिपरिषद बैठक

५ कात्तिक, काठमाडौं । सरकारले राजनीतिक दलसम्बन्धी अध्यादेश ल्याउने तयारी गरेको छ । आइतबार नेपाली कांग्रेसका सभापति शेरबहादुर देउवासँग यस विषयमा छलफल गरेका प्रधानमन्त्री केपी शर्मा ओलीले सोमबार साँझ मन्त्रिपरिषद् बैठक बोलाएका छन् । 

प्रधानमन्त्रीले बैठकका एजेन्डाबारे जानकारी नगराए पनि बैठकमा राजनीतिक दलसम्बन्धी अध्यादेशबारे केही निर्णय हुनसक्ने बुझिएको छ ।

प्रधानमन्त्री ओलीले अध्यादेशबारे नेपाली कांग्रेस लगायतका दलसँग छलफल गरिरहेका छन् । अध्यादेश रोक्ने उद्देश्यले विपक्षी दलले प्रधानमन्त्री ओलीलाई आज ज्ञापनपत्र पनि बुझाउने कार्यक्रम छ ।