मनाङेले छोडेको मन्त्रालयमा कांग्रेसका पौडेल नियुक्त

५ कात्तिक, पोखरा । स्वतन्त्र सांसद राजीव गुरुङ उर्फ दीपक मनाङेले छोडेका गण्डकीको वन मन्त्रीमा लमजुङका भेषबहादुर पौडेल नियुक्त भएका छन् । मुख्यमन्त्री सुरेन्द्रराज पाण्डेले पौडेललाई सो मन्त्रालयमा पौडेललाई नियुक्त गरेका हुन् । 

पौडेल कांग्रेसभित्र संस्थापन इतर समूहका हुन् । पछिल्लो समय महामन्त्री गगन थापा निकट मानिएका उनलाई थापाकै जोडमा मन्त्री बनाइएको हो । पौडेलको साढे ४ बजे शपथको तयारी भएको छ । मनाङेले भौतिकबाट वनमा सारेपछि मन्त्री पदबाटै राजीनामा दिएका थिए । गण्डकीमा हाल ९ मन्त्रालय छ । कांग्रेसबाट ४, एमालेबाट ४ र नेपाल समाजवादीबाट एक जना मन्त्री बनेका छन् ।