५७.९९ अंकले घटेर २६३९ अंकमा ओर्लियो नेप्से, ५ अर्ब ९० करोडको शेयर खरिदबिक्री

५ कात्तिक, काठमाडौं । सोमबार शेयरबजारको परिसूचक नेप्से ५७.९९ अंक घटेको छ । आज नेप्से परिसूचक २.१४ प्रतिशत घटेर २६३९.९२ विन्दुमा बन्द भएको हो । २३ कम्पनीको शेयर मूल्य वृद्धि भएको छ । २२१ कम्पनीको शेयर मूल्य घटेको छ । 

आइतबारको तुलनामा शेयर कारोबार रकम पनि घटेको छ । आज पाँच अर्ब ९० करोड रुपैयाँको शेयर कारोबार भएको छ । आइतबार ८ अर्ब १८ करोड रुपैयाँको शेयर कारोबार भएको थियो । बजार घट्दा कारोबार रकम पनि घटेको हो । 

२३ कम्पनीको मूल्य बढ्दा २२१ को घट्यो । सबै क्षेत्रका सूचक घटेका छन् । फाइनान्स सबैभन्दा धेरै ३.३८ प्रतिशत घट्यो । बैंकिङ २.३०, विकास बैंक १.७८, होटल तथा पर्यटन १.६६, हाइड्रोपावर २.०५, लगानी २.५१, जीवन बीमा २.१५, उत्पादन १.६५, माइक्रोफाइनान्स १.८९, निर्जीवन बीमा १.७६, अन्य २.३४ र व्यापार समूह ०.२८ प्रतिशत घटे ।

विन नेपाल लघुवित्तको मूल्य १० प्रतिशत बढ्यो । त्यस्तै कर्पोरेट डेभलपमेन्ट बैंकको ९.८, कालिका लघुवित्तको ५.५ पिपुल्स हाइड्रोपावरको ४.८४, मानुषी लघुवित्तको ३.९९ प्रतिशत मूल्य बढ्यो ।

ङादी ग्रुप पावरको ९.२, गुडविल फाइनान्सको ५.६, छ्याङ्दी हाइड्रोको ४.७, इस्टर्न हाइड्रोपावरको ४.७, गोर्खाज फाइनान्सको ४.६ प्रतिशत मूल्य घट्यो । कारोबार रकमका आधारमा हिमालयन रिइन्स्योरेन्स, ङादी ग्रुप, कुमारी बैंक, गुडविल फाइनान्स र नेपाल फाइनान्स क्रमशः अगाडि रहे ।