कास्की कारागारमा रहेका छविलाल जोशीलाई बयानका लागि रुपन्देही लगियो

५ कात्तिक, काठमाडौं । कास्की कारागारमा रहेका पूर्वडीआईजी छविलाल जोशीलाई रुपन्देही पठाइएको छ ।  कास्की प्रहरीले सूर्यदर्शन सहकारीसँगै बुटवलस्थित सुप्रिम सहकारी ठगी प्रकरणमा समेत अनुसन्धान गर्नुपर्ने भएकाले उनलाई सोमबार रुपन्देही पठाइएको हो । 
 
जिल्ला प्रहरी कार्यालय कास्कीका अनुसार उनलाई सोमबार जहाजमार्फत रुपन्देही लगिएको हो । त्यहाँपनि उनीविरुद्ध सहकारी ठगीबारे बयान गराइने छ । जोशी गत असोज ६ गते पक्राउ परेका थिए । उनी गोरखा नेटवर्कमा जीबी राई र रवि लामिछानेका तत्कालीन साझेदार समेत हुन् ।