नेप्सेमा २५.८८ अंकको सुधारः १९९ कम्पनीको शेयर मूल्य बढ्यो, ४० को घट्यो

६ कात्तिक, काठमाडौं । शेयरबजार मापक नेप्से परिसूचक २५.८८ अंकले बढेर बन्द भएको छ । नेप्से परिसूचक ०.९८ प्रतिशतले वृद्धि भएर २,६६५.८१ विन्दुमा बन्द भएको हो । अघिल्ला दुई दिन लगातार घटेको बजार मंगलबार २५.८८ अंक बढेको हो । सो अंकको वृद्धिपछि नेप्से परिसूचक २६६५ मा कायम भएको छ । 

बजारको अंक बढ्दा कारोबार रकम भने घटेको छ । आज चार अर्ब १७ करोड रुपैयाँको शेयर कारोबार भएको छ । सोमबार पाँच अर्ब ९० करोड रुपैयाँको शेयर खरिद–बिक्री भएको थियो । आज १९९ कम्पनीको शेयर मूल्य बढेको छ । बाँकी ४० कम्पनीको शेयर मूल्य घटेको छ । पाँच कम्पनीको शेयर मूल्य स्थिर छ । शेयर मूल्य स्थिर हुनेमा बलेफी हाइड्रोपावर, सिटिजन्स बैंक इन्टरनेसनल, इङवा हाइड्रोपावर र माछापुच्छ्रे बैंक छन् ।

फाइनान्स सबैभन्दा धेरै ३.०३ प्रतिशत बढ्यो । बैंकिङ ०.६८, विकास बैंक १.२५, होटल तथा पर्यटन ०.४४, हाइड्रोपावर १.४२, लगानी ०.९२, जीवन बीमा ०.४९, उत्पादन २.१४, माइक्रोफाइनान्स ०.६६, निर्जीवन बीमा ०.६१, अन्य १.०२ र व्यापार समूह ०.९० प्रतिशत बढे ।

रावा इनर्जीको मूल्य ८.८६ प्रतिशत बढ्यो । मनकामना इन्जिनियरिङको ७.८२, थ्रीस्टार हाइड्रोपावरको ६.३६, माहुली लघुवित्तको ६.१० तथा मैलुङखोला जलविद्युतको ६.०९ प्रतिशत मूल्य बढ्यो । विन नेपाल लघुवित्तको मूल्य ४.७५ तथा सिकलेस हाइड्रोपावरको २.५० प्रतिशत घट्यो ।

यस दिन रावा इनर्जी डेभलपमेन्टको शेयर मूल्य ८.८६ प्रतिशतले वृद्धि भएको छ । विन नेपाल लघुवित्त वित्तीय संस्थाको सेयर मूल्य ४.७५ प्रतिशतले घटेको छ । गुडविल फाइनान्सको सर्वाधिक मूल्यको शेयर खरिद–बिक्री भएको छ । यस कम्पनीको १७ करोड ३२ लाख रुपैयाँको सेयर खरिद–बिक्री भएको छ । त्यस्तै, बढी सेयर खरिद–बिक्री हुनेमा कुमारी बैंकको १३ करोड ८० लाख रुपैयाँको सेयर खरिद–बिक्री भएको छ ।